Ergashxodjaeva Sh. Dj

 
 

---

 
186 
]8.3. Tashqi savdoda baho shakllanishining asosiy shakllari 
 
Tashqi  savdo  operasiyalarida  narxlarning  to’g’ri  belgilanishi  tovarning  sifati, 
to’lov layoqati va zimmasiga olingan majburiyatlarni bajarishda ishonchlilik bilan bir 
qatorda firmaning nufuzini belgilab beradi. Har bir firmaning tijorat muvaffaqiyatiga 
erishish  aynan  narxlarga  bog’liq  bo’ladi,  chunki  samarali  narx  siyosati  tovarni 
sotishdan  olinuvchi  foyda  miqdoriga  bevosita  ta’sir  ko’rsatadi.  Firmaning  tashqi 
bozordagi  barqarorligi  esa  birinchi  navbatda  xalqaro  narx  tizimini  ishlab  chiqish  va 
ketma-ketlikda  amalga  oshirish,  ularni  shakllantirishda  belgilangan  strategiyalarga 
rioya  qilishni  talab  qiladi.  Tashqi  savdoning  bazis  narxlari,  shartnoma  narxlari, 
haqiqiy (real) import (eksport) narxlarini ajratib ko’rsatish mumkin. 
Bazis  narxlari  avvalgi  davrda  narx  dinamikasining  umumiy  yo’nalishini 
ifodalaydi.  Odatda  tashqi  savdo  (eksport-import)  shartnomalari  tuzishda  narx 
shakllanishini tahlil qilishda foydalaniladi. 
Shartnoma  narxlari  muayyan  shartnomada  qayd  qilinib,  tuzilgan  tashqi  savdo 
bitimlarini  hisoblab  turadi.  SHu  sababli  u  narx  to’g’risida  eng  to’liq  ma’lumotlarni 
beradi.  U  odatda  tijorat  siri  hisoblanib,  shartnomaning  bitim  shartlarini 
shakllantiruvchi konfidensial qismida ko’rsatiladi va oshkor etilishi taqiqlanadi. 
Real eksport  (import)  narxlari shartnomani bajarish  natijasida olingan amaldagi 
sotuv  (xarid)  narxidir.  Odatda  u  shartnomada  ko’rsatilgan  narxga  mos  kelishi  kerak, 
biroq  ba’zida  tomonlarning  o’zaro  kelishuvlari  asosida  muayyan  shartnomani 
bajarishda  yuzaga  keluvchi  shart-sharoitlardan  kelib  chiqqan  holda  qo’shimcha  yoki 
chegirmalar  miqdoriga  farq  qilishi  mumkin.  Tashqi  savdo  shartnomalarini 
imzolashda  xom-ashyo  qiymati,  ish  haqi  va  transport  kabi  xarajat  omillarining 
barqaror  emasligi  yaqqol  ko’zga  tashlanib  to’rganda  xarajatlarda  bo’lajak 
o’zgarishlar  haqida  shartnomaga  qayd  etib  qo’yish  maqsadga  muvofiq.  Savdo 
aloqalarini  amalga  oshirishda  BMTning  1980  yildagi  «Xalqaro  tovar  oldi-sotdi 
shartnomalari  to’g’risida»gi  Konvensiyaning  asosiy  moddalariga  asosan  yuzaga 
kelgan  xalqaro  savdo  udumlari  va  amaliyotini  hisobga  olgan  holda  tomonlarning 
majburiyatlarini aniq belgilash muhim ahamiyat kasb etadi. 

---

 
187