Mahalla va oila

Shaxs faolligi ko‘rinishlari 
Inson ma’lum bir faoliyatni amalga oshirar ekan, uni faoliyatining asosini 
turli motivlar tashkil qiladi. Shunday holatlar ham bo‘ladiki, ba’zan bir faoliyatni 
amalga  oshirishga  ikki  xil  motiv  asos  bo‘lishi  mumkin.  Bunda,  qaysi  motiv 
“kuchli”  bo‘lsa  shu  motiv  ustunlik  qiladi  va  inson  shu  motiv  turtki  bo‘lgan 
faoliyatni amalga oshiradi. Agar odamni faoliyatga undaydigan motivlar “kuchi 
teng” bo‘lib qolgudek bo‘lsa, unda shaxsda 
“motivlar kurashi”
 jarayoni ro‘y 
beradi.  Motivlar  kurashi  o‘z  navbatida  insonda  iroda  aktining  asosiy 
ko‘rinishlaridan  bo‘lmish, 
“irodaviy  zo‘r  berish”
  holatini  yuzaga  keltiradi. 
Irodaviy  zo‘r  berish  holatida  esa,  shubhasiz  irodaning 
undovchi
  va 
tormozlovchi
  funksiyalari  ishga  tushadi.  Bu  o‘rinda  qaysi  motivning  shaxs 
uchun  “ahamiyatlilik  darajasi  yuqori  bo‘lsa”,  irodaning  undovchi  funksiyasi 
shaxsni  shu  faoliyatni  amalga  oshirishga  yo‘llaydi  (undaydi).  Irodaning 
tormozlovchi funksiyasi esa, shaxsni ko‘zlagan maqsadiga erishishiga halaqit 
qilishi mumkin bo‘lgan xohish istaklari, motivlarini to‘xtatib turadi.