O’zbekiston respublikasi sog’liqni saqlash vazirligi tibbiy ta’lim rivojlantirish markazi

Uchastka shifokori
 - bu faqat klinisist emas, balki aholi sog'lig'ini 
SAQLAShda birlamchi vrachlik mehnat ekspertiza xizmatini tashkillashtiruvchi 
shaxsdir. O’z burchini bajarishda vrach klinik bilimlardan tashqari jamoat 
salomatligi va Sog'liqni Saqlashni tashkil qilish asoslarini chuqur bilishi zarur. 
Uchastka shifokori o’z territoriyasi aholisi salomatligini va aholi salomatligiga 
ta'sir qiluvchi omillarni tekshiruvchi bo'lib, o’z ish faoliyatiga diagnostika va 
davolashning  yangi uslublarini qo'llashni bilishi kerak.  
"Poliklinika vrachi - uchastka terapevti haqida" ko’rsatmasiga binoan 
uchastka vrachi quyidagi vazifalarni bajarishi lozim: 
- aholiga poliklinikada va uyda yuqori malakali tibbiy xizmat ko'rsatish; 
- yashash joyidan qat'iy nazar  og’ir o’tkir holatlarda, shikastlanishlarda va 
zaharlanishlarda kechiktirib bo’lmaydigan shoshilinch tibbiy xizmat ko'rsatish; 
- terapevtik bemorlarni o’z vaqtida kasalxonaga yotqizish; 
- zaruriyat bo'lganda bemorlarga bo'lim mudiri, tor mutaxassislar va boshqa 
tibbiy muassasalar xodimlari  maslaxatini uyushtirish; 

---

95 
 
- o’z ish faoliyatida profilaktika, diagnostika va davolash ishlarida yangi 
usullarni qo'llash; 
-  vaqtinchalik  mehnat  qobiliyatini  yo'qotganda  vrachlik  mehnat 
ekspertizasini tashkillashtirish; 
- uchastka aholisini vaqti-vaqti bilan dispanser ko’rigidan o’tkazish, 
dispanserizasiya tadbirlarini qo'llash va uning effektini tahlil qilish; 
 - profilaktik emlashlarni o’z vaqtida olib borish;  
- yuqumli kasalliklarni erta aniqlash, tashxis qo’yish va davolash hamda 
bo'lim mudiriga tezkorlik bilan axborot berish, SEN organlariga shoshilinch 
xabarnoma yuborish; 
- o’z malakasini va uchastka hamshirasini bilimini sistematik ravishda 
oshirib borish; 
- aholi orasida sanitar-targ’ibot ishlarini olib borish, yomon odatlarga qarshi 
tad'irlar o’tkazish. 
Ambulatoriya-poliklinika  xizmatining  asosiy  xususiyati   poliklinika 
shifokori  fapoliyatida  davolash va profilaktika  ishlarini birgalikda olib 
borilishidadir.  Profilaktika  ishlarini  olib  borishda  ambulatoriya-poliklinika 
muassasalari shifokorlari faoliyatida keng qo’llaniladigan dispanser uslubi asosiy 
usul bo'lib hisoblanadi.