Toshkent moliya instituti iqtisodiyot nazariyasi

4. Sof eksportdagi o’zgarish.
 Sof eksportning ko’payishi yalpi talabni ham 
ko’paytiradi. Birinchidan, eksportning yuqori darajasi, chet ellarda bizning tovarlarga 
bo’lgan talabni oshiradi. Ikkinchidan, importning qisqarishi o’z tovarlarimizga ichki 
talabning ko’payishini taqozo qiladi. Sof eksport hajmini avvalo chet davlatlardagi 
milliy daromad va valyuta kurslari o’zgartiradi. Chet mamlakatlarda daromadlar 
darajasi oshganda, ularning fuqarolari ham o’zlarining tovarlarini va ham chet ellarda 
ishlab chiqarilgan tovarlarni ko’proq miqdorda sotib olish imkoniyatiga ega bo’ladi. 
Chet ellarda milliy daromadning kamayishi esa qarama-qarshi natija beradi: bizning 
eksportning sof hajmi qisqaradi.