Atrof muhit himoyasi va ekologiya

 

 

 

 

 

---

4 

 

 

 

So’z boshi 

Hozirgi  zamon  ekologik  muammaolari  kishilik  jamiyatining  barqaror 

rivojlanishiga  xavf  solmoqda.  Tabiiy  tizimlarning  yemirilishi,  biosferaning 

buzilishiga, uning  yaxlitligi va  jamiyatning hayotiy  faoliyati uchun  zarur bo’lgan 

atrof muhit sifatini ta’minlab turish qobiliyatini yo’qotishga olib kelmoqda. 

Ekologik  xavf  bu  atrof  muhit  holatiga  va  insonning  hayot  faoliyatiga 

to’g’ridan-to’g’ri zarar yetkazish yoki bunga sabab bo’ladigan tabiiy va texnogen 

xususiyatdagi hodisalardir. 

Atmosfera  havosining  me’yordan  ortiqcha  ifloslanishi,  ozon  qatlamining 

yemirilishi natijasida haroratning global isishi, suv havzalarining antropogen ta’sir 

natijasida yaroqsiz holga kelib qolishi muammolariga jiddiy e’tibor berish lozim. 

Yer,  suv  resurslari,  atmosfera  havosini  ifloslantiruvchi,  o’simlik  va 

hayvonot  dunyosiga  hamda  odamlar  sog’ligiga  salbiy  ta’sir  ko’rsatuvchi  zararli 

moddalar gaz, suyuq va qattiq holatlarda xalq xo’jaligining barcha tarmoqlaridan 

chiqariladi. Shuning uchun ham xalq xo’jaligining tarmoqlarining turli jabhalarida 

faoliyat  ko’rsatuvchi  har  bir  mutaxassis  ekologiyaning  nazariy  va  amaliy 

ahamiyatini  to’g’ri  tushunishi,  o’zining  faoliyati  borasida  atrof  muhitga 

yetkazilayotgan salbiy ta’sir oqibatlarini anglaydigan bo’lishi shart. 

Ushbu  uslubiy  ko’rsatma  talabalar  faoliyati  davomida  duch  keladigan 

ekologik  muammolarni  kengroq  tushunishga,  nazariy  bilimlarni  amaliy  jihatdan 

mustahkamlashga imkon yaratadi.