Yusuf Rashidov "yangi nashr"

1. 12. GAZNI BERKITISH USKUNALARI

Gazni yopish uskunalari iste’molchilarni, gaz quvurining ma’lum 

bo‘laklarini hamda gaz jihozlarini berkitish uchun qo‘llaniladi. Ular-

dan kranlar, zadvijkalar (yopqichlar) hamda gidrozatvorlar (gidravlik 

yopqichlar) qo‘llaniladi. Gidravlik yopqichlar (1. 7- rasm) yer osti past 

bosim gaz quvurlarida ishlatiladi. Ular ayrim iste’molchilarni yopish 

uchun ishlatiladi. Buning uchun kover ochilib, gidrozatvor tiqini 

ochiladi va gidrozatvorga suv quyiladi. Quyilgan suv gazning yo‘lini 

to‘sib, gaz o‘tishini to‘xtatadi. Gidrozatvor faqat gazni berkitishga 

xizmat qiladi. Ular yordamida gazning sarfini o‘zgartirish mumkin 

emas, faqat ochish yoki yopish mumkin.

Gidrozatvorlar yerning muzlash qatlamidan pastda joylashishi kerak, 

chunki yig‘ilgan kondensat muzlab, gazning yo‘lini berkitib qo‘yadi.

1. 7- rasm.

 Diametri 50 mm dan 150 mm 

gacha bo‘lgan gaz quvurlari uchun gidrozat-

vor (UG – 30) (a) va diametri 150 mm dan 

200 mm gacha bo‘lgan gaz quvurlari uchun 

gidrozatvor  (UG – 33) (b)

---

26

Gidrozatvorning yaxshi tomonlari: oddiy, gazni yaxshi berkitadi, 

ular gazdagi kondensatni to‘plab, kondensat yig‘gich vazifasini ham 

bajaradi.