Z. S. Ubaydullayeva, sh. R. Xalimova muhandislik geologiyasi va gruntlar

Oqimli  ko’chkilar
  –  bular  sekin,  ba’zida  birmuncha  tez  ro’y  beradigan 
ko’chkilar  bo’lib,  yer  osti  suvlari  ta’sirida  suvga  to’yingan  jinslarning  qiyalik 
bo’ylab surilishidan hosil bo’ladi.  
 
 
132-rasm. Oqimli ko’chkilar 
 
Oqimli surilishlar bir necha oqovalarning qo’shilishidan hosil bo’lib, ulardan 
hajmining kattaligi hamda chuqurligi bilan farqlanadi. Bu ko’chkilar nishabligi 18-
30
0 
gohida  undan  ko’p  bo’lgan  qiyaliklarda  ro’y  beradi.  Ular,  asosan,  qalin 
suglinokli  yotqiziqlardan  tashkil  topgan  daryo  terrasalarida  ro’y  berib,  natijada 
terrasalarda  balandligi  5-40  metrgacha  bo’lgan  tik  uzilishlar  hosil  bo’ladi. 

---

326 
 
 
Surilayotgan  jins  qalinligi,  ko’pincha,  qiyalikni  tashkil  etuvchi  bo’shoq  tog’  jinsi 
qalinligiga  teng  bo’lib,  gohida  tub  tog’  jinslarining  ustki  qismini  ham  surib  olib 
ketadi. Surilayotgan jins uzunligi 100-500 metr ba’zi hollarda 2000 metrga boradi. 
Bunga  sabab tub  tog’  jinslari  nishabligining  qiyalik  nishabligi  bilan  mos  tushishi, 
yer  osti  suvlarining  tub  tog’  jinsi  bilan  qoplama  hisoblangan  suglinokli  jinslar 
(qalinligi  katta  bo’lgan)  orasida  harakatlanishidir.  Ko’chkining  boshlang’ich 
bosqichida jarayon sekin rivojlanib, oxirgi bosqichiga kelib surilish birdaniga ro’y 
beradi.  Bunda  gruntning  konsistensiyasi  birdaniga  o’zgarib,  suyuq  holga  keladi. 
Oqibatda  ko’chkining  tarqalish  masofasi  uzoqqa  borib,  katta  maydonlarni 
egallaydi,  natijada  katta  yo’llar,  aholi  yashaydigan  joylarni  qoplab  oladi.  Bularga 
Chirchiq  vodiysidagi  Pskent,  Po’stinliqsoy,  Qaynarsoy,  Yaxshibuloqsoy, 
G’alvasoy, Yangiqo’rg’onsoylarda ro’y bergan ko’chkilarni misol qilish  mumkin.