O’zbekiston respublikasi sog’liqni saqlash vazirligi oliy va o’rta tibbiy ta’lim bo’yicha o’quv-uslub idorasi toshkent pediatriya tibbiyot instituti

Maqsad va vazifalar:
 Asosiy maqsad dori  moddalarining    ta’sirini,  ta’sir mexanizmini 
o’rganishga qaratilgan. Umumiy farmakologiya bo’limida dori moddalarni farmakokinetika va 
farmakodinamikasini umumiy qonun-qoidalari o’rganiladi. Xususiy farmakologiya bo’limida 
nerv sistema, ijrochi a’zolar, metabolizmga ta’sir etuvchi va mikroorganizmlarga qarshi 
moddalar o’rganiladi. Bolalarda qo’llaniladigan dori moddalarni farmakokinetikasi va 
farmakodinamikasini yoshiga qarab o’zgarishi, gematoentsefalik, platsentar to’siqni 
o’tkazuvchanligini, jigar fermentlarini to’la-to’kis rivojlanmaganligi, buyraklarni siydik 
chiqarish faoliyatini takomillashmaganini ko’zda tutiladi. 
Amaliy mashg’ulotlarda talabalar qo’yilgan vazifalarni bajarib,  umumiy 
farmakologiyani qonun-qoidalarini, farmakokinetika va farmakodinamika asoslarini 
o’zlashtiradi. Xususiy farmakologiyada har bir mavzu o’tilganda, dori moddalarni tasniflash, 
ularni ta’sir mexanizmini, qo’llanishini, qo’llanishga monelikni, moddalar ko’rsatadigan noxush 
asoratlarini, ular bilan o’tkir zaharlanganda ko’riladigan chora - tadbirlarni o’zlashtirish shart. 
Buning uchun amaliy mashg’ulotlarda mavzuga oid dori moddalarni to’plami bilan tanishib, 
ularga qo’llanishga qarab retseptlar yozish, farmakodinamika va farmakoterapiyadan vazifalar 
bajariladi.