O’zbеkistоn rеspublikаsi хаlq tа`limi vаzirligi

«Peregrinning   o`limi
»   deb   atalgan   boshqa   asari   deyarli  tamomila   yangi   din
sohiblarining   kirdikorlarini   ochishga   bag`ishlangandir.  Peregrin   ham  Aleksandr   singari
tarixiy shaxs. Uning haqida zamondoshlari juda ko`p yozishgan. Barcha firibgarlar kabi
bu   ham   xalqning   nodonligi       va   bid’atparastligidan       foydalanib  davlat   va   shuhrat
orttirishni   ko`zda   tutgan   bir   odamdir.  O`taketgan   faxsh,   o`z   otasining   qoniga   qo`lini
bulg`agan bu padarkush, xristian dini qanoti ostida panoh topib, keyin shu dinning yirik
targ`ibotchisi   bo`lib   taniladi,   eski   kitoblarga   tafsir   beradi,  yangi   kitoblar   yozadi.
Soddadil   odamlar   unga   ixlos   qo`yib,   katta  iloh   darajasiga   ko`taradilar.   Peregrin
keyinchalik yana bir qancha gunohlari uchun qamoqqa tushib qolgach, o`zini go`yo din
yo`lida musibat chekayotgan jafokash vali ko`rsatib, laqma muxlislaridan behisob
 
pullar
undiradi. Nihoyat yana bir qancha nojo`ya ishlardan keyin bu shuhratparast tarixda nom
qoldirishni   o`ylab,   eramizning   167-yilida   Olimp   tog`i   etaklarida   bo`ladigan   tantanali
bayramda o`zini o`tga yoqib o`ldiradi.
78

---

Aim.uz
Bu asar xalqning soddadilligi va laqmaligidan foydalanib qalloblik yo`llari bilan
hamyonini to`ldirishga intilgan fnribgarlarga qarshi chuqur nafrat va g`azab tuyg`ulari
bilan   to`lib-toshgandir. Yozuvchi   dastlabki   xristian   dinining   ko`pdan-ko`p   ustozlaridan
birining   nihoyatda   qabih,   nihoyatda   razil   va   badbashara   qiyofasini   ko`rsatib,   yangi
dinning ham eski dinlardan hech qanaqa,  farqi yo`qligini, har
 
qanday diniy e’tiqodlar
xalqni aldaydigan, firibgarlarning xudbin manfaatlariga xizmat qiluvchi qurol ekanligini
kuchli dalillar bilan isbotlaydi-
Lukian   asarlarida   o`z   aksini   ko`rgan   xristian   dini   peshvolari  ulug`  satirikning
boshini silagan emaslar, albatta. Ular  yozuvchining hayoti va oxirati haqida bo`lmag`ur
bo`hton va latifanomuz ig`volar tarqatadilar: go`yo xudoniig amri bilan itlar bu; iblisni
tilka-tilka qilib o`ldirishgan, vafotidan so`ng umrbod jahannam azobiga mahkum etilgan.
Katolik cherkovi, hatto maxsus qaror chiqarib, «Peregrinning o`limi» asarini taqiqlangan
kitoblar  qatoriga  kiritadi va «tangriga  ma’qul  bo`lmagan»  bu  asari  o`qish qat’iy man
qilinadi.
Fikrning ravshanligi, asar g`oyasining aniqligi, voqealarning bir tekisda rivojlanib
borishi,   bayonotning   ixchamligi   va   rango-rangligi,   ajoyib   kinoyalar,   qochiriq   va
pichinglar,   favqulodda   o`xshatishlar   va,   eng   muhimi,   kitobxonning   dilini   beto`xtov
qitiqlab turish va uning ruhida jamiki diniy taassublarga qarshi jirkanch tuyg`u uyg`otish
- Lukian asarlarining asosiy xususiyatidir.
O`rta asrlarda din ahllari tomonidai duoibad qilingan Lukianning hurmat va e’tibori
faqat Uyg`onish davriga kelib tiklana boshlaydi. Mashhur gumanistlar Reyxlin, Gutten,
Rotterdamlik Erazm ulug` satirikning asarlarini qunt bilan o`qiydilar, unga taqlid etadilar.
Rotterdamlik   Erazmning   do`stlari   ham,   dushmanlari   ham   ulug`   satiranavisni   ikkinchi
Lukian deb atar edilar. Angliyada Tomas Mor birinchi bo`lib Lukian asarlarini lotin tiliga
tarjima   qiladi,   Yunon   yozuvchisi   Shekspir   ijodiga   ham  anchagina   barakali   ta’sir
ko`rsatgan. Ulug`, fransuz satiranavisi  Fransua Rable va XVIII asrning ma’rifatchilari
Lukian   asarlaridan   keng   miqyosda   foydalanganlar.   Rossiyada   Lomonosov,   Belinskiy,
Gersen va boshqalar Lukianni chuqur hurmat bilan tilga olganlar.