“byudjet hisobi va g’aznachilik”fakulteti “elektron tijorat va raqamli iqtisodiyot” kafedrasi

Portalning foydalanuvchilar uchun ijtimoiy ahamiyati.
Ochiq  ma’lumotlar  portali  nafaqat  davlat  boshqaruvi  organlari  tizimining 
ochiqligini ta’minlashga, balki iqtisodiyotga ham ijobiy ta’sir ko‘rsatadi.
Birgina ta’lim sohasiga oid ma’lumotlar bilan aholini boxabar qilish o‘rtacha 
1  milliard  AQSh  dollari  miqdorida  foyda  keltiradi.  Transport  tizimiga  oid  ochiq 
ma’lumotlar  tarmoqlarining  shakllantirilishi  700-900  milliard  AQSh  dollarigacha 
bo‘lgan mablag‘ni tejab qolishga olib kelishi aniqlangan.
Dunyoning  rivojlangan  mamlakatlarida  internet  tarmog‘ida  ochiq 
ma’lumotlar  oqimini  faol  shakllantirayotgan  xususiy  sektor  vakillari  internetdagi 
portallardan marketing tadqiqotini yuritishda ham foydalanayotganliklariga guvoh 
bo‘lish mumkin.
Hukumatning  ochiq  ma’lumotlar  tizimini  takomillashtirish  yuzasidan  olib 
borgan  islohotlarining  ikkita  muhim  jihati  bor.  Birinchidan,  jamoatchilikni  ochiq 
ma’lumotlar bilan ta’minlash hukumat faoliyatining oshkoraligini va fuqarolarning 
jamiyat  qurilishidagi  keng  ishtirokiga,  ikkinchidan,  tadbirkorlar  va  fuqarolarning 
hukumatga nisbatan ishonchi oshishiga xizmat qiladi.
Ochiq  ma’lumotlar  portali  mamlakatimizda  amalga  oshirilayotgan  keng 
ko‘lamli  islohotlar  samaralarini  o‘zida  aks  ettiradigan,  ayni  chog‘da  davlat 
organlari  faoliyati  ustidan  jamoatchilik  nazoratini  yanada  kuchaytirishga  xizmat 
qiladigan  muhim  axborot  resursi  bo‘lib,  uni  takomillashtirish,  boyitish  va  targ‘ib 
qilishga barcha mas’uldir.