Ўзбекистон республикаси oлий ва ўрта махсус таълим вазирлиги teрмиз давлат университетининг

жинссиз 
кўпайиш
ҳам учраб, бунда 
икки хивчинли зооспоралар 
ёки 
ҳаракатланмайдиган 
апланоспоралар
юзага келади. Ноқулай шароитда 
цистага 
айланиши мумкин. Уларда 
жинсий кўпайиш рўй бермайди
.
Пиррофит сувўтлар турли экологик шароитли сув ҳавзаларида кенг 
тарқалган. Уларнинг вакилларини чучук сувларда, сув тиндиргичларда, 
ифлосланган сувли ҳовузларда, баъзан сувомборлар ва кўлларда учратиш 
мумкин. Пиррофит сувўтлардан сувнинг биологик анализида унинг 
ифлосланганлик даражасини аниқлашда ҳам фойдаланилади. 
Пиррофит сувўтлар систематик жиҳатдан 2 синфга: 
Криптофитлар
(Cryptophyceae) ва 
Динофитлар 
(Dinophyceae) синфларига бўлинади.
Динофитлар 
(Dinophyceae) синфи вакилларидан мисол тариқасида 
Церациум ва Перидинумни келтириш мумкин. 
Церациум 
(Ceratium hirundinella) ҳужайраси бўйига томон чўзилган 
тузилишга эга. Ҳужайранинг кенг қисмида кўндаланг каналча бўлиб, уни 
икки қисмга бўлади. Юқориги битта, узун, тўғри ўсимтани апикал томон, 2 та 
ёки 3 та ҳар-хил узунликдаги, шохсимон қайрилган ўсимтали қисмини 
антапикал
томон деб юритилади. Икки хивчинидан биттаси олдинги 
томонга йўналиб, иккинчиси танани канал бўйлаб ўраб олади. Протопласт 
қалин қалқон билан қопланган. Кўпайиши ҳужайранинг оддий йўл билан 
иккига бўлиниши йўли билан боради. Ҳосил бўлган қиз ҳужайралар она 
ҳужайрадан яримта қалқон олади. Маълум вақтдан кейин ҳужайра 
етишмайдиган қалқонни ўзи ҳосил қилади.

---

Церациум 
(Ceratium hirundinella),
Перидинум 
(Peridinium)
Церациумлар йирик кўл ва сув ҳавзаларининг планктонларида кўп 
учрайди. 
Перидинум 
(Peridinium) нинг ҳужайраси шарсимон ёки тухумсимон 
кўринишда. Ҳужайра пусти қумтош билан тўйинган қалқон кўринишда 
бўлиб, унинг бундай тулиши систематик белгилардан бири ҳисобланади. 
Протопластида битта йирик ядро бор. Хроматофори қўнғир рангда, 
пиреноидлари бўлмайди. Ҳужайраларининг тенг иккига бўлиниши йўли 
билан кўпаяди.
Кўпинча денгизларда, қисман йирик, оқмайдиган сув ҳавзаларининг 
планктонида ҳаёт кечиради. Пиррофит сувўтларнинг келиб чиқиши жиҳатдан 
дастлабки содда амёбасимон организмлар ва тилларанг сувўтлар билан 
қариндошлиги бор, деб ҳисобланади.