Loyiha O‘zbekiston respublikasi adliya vazirligi toshkent davlat yuridik universiteti

Esda tuting! Hamkorlikning protsessual turlari quyidagilar:  

tergov  harakatlarini  amalga  oshirishda  dastlabki  tergov  xodimlari 

tomonidan amalga oshiriladigan tadbirlar;  

to‘xtatib  qo‘yilgan  ishlar  bo‘yicha  tergovchining  topshirig‘i  bilan 

shaxs va ob’ektlarni qidirish;  

tegishli shaxslar bilan ishlash;  

tezkor-qidiruv guruhlarini tashkil etish. 

---

 

347 

 

 

Tergovchi tezkor-qidiruv ishlarini amalga oshirish haqida topshiriq 

berar  ekan,  u  ichki  ishlar  organlari  oldiga  faqat  vazifa  qo‘yadi,  ammo 

uni echish yo‘li va vositalarini belgilamaydi, chunki bu dastlabki tergov 

organlari  vakolatiga  kirmaydi.  Tergovchi  talabiga  ko‘ra  tezkor-qidiruv 

xodimlari  qonunda  belgilangan  protsessual  majburlash  choralarini 

amalga  oshiradi;  qurollangan  jinoyatchini  qo‘lga  tushirish  va  ta’qib 

qilish uchun pistirma, quvlash, qurshov, turli xil to‘siq tadbirlar ko‘radi, 

tergovchining  hududiga  kelishdan  bosh  tortayotgan  shaxsni  olib  kelish, 

hodisa  va  tintuv  joyini  o‘rab  olish,  tergovchiga  qarshilik  ko‘rsatish 

hollarini oldini olish kabi hollarda yoradamlashadi. 

Dastlabki  tergov  xodimlari  tergovchiga  murakkab  va  katta 

hajmdagi  tergov  harakatlarini  tayyorlash  va  amalga  oshirishda  yordam 

beradilar, ushbu harakatlar davomida u yoki bu vazifalarni bajaradilar. 

Tergovchining  mutaxassislar  bilan  hamkorligi  quyidagilarda 

namoyon bo‘ladi: 

a) mutaxassislarni tergov harakatlariga jalb etish; 

b) sud ekspertizalarini o‘tkazish; 

v) taftish belgilash va o‘tkazish. 

 

Umumiy  qoidaga  ko‘ra,  tergov-tezkor  guruh  a’zolarining  barcha 

harakatlari  avvaldan  kelishilgan  rejaga  bo‘ysundirilgan  bo‘lsada,  ba’zi 

bir  sabablarga  ko‘ra  rejalashtirilmagan  harakatlarni  amalga  oshirishi 

ham mumkin. Masalan, jinoyatchilarni jinoyat ustida qo‘lga olish, tintuv 

va kechiktirib bo‘lmaydigan harakatlarni amalga oshirish.