Loyiha O‘zbekiston respublikasi adliya vazirligi toshkent davlat yuridik universiteti

Ikkinchi  bosqich  tadbirlari  tintuv  qilinayotgan  ob’ektning 

qo‘riqlanishini  ta’minlash,  unga  kirish  usulini  tanlash,  qidiruv 

harakatlarining  natijadorligi  uchun  normal  sharoitlarni  yaratishdan 

iborat. 

Tintuv turlarining xususiyatlari.  

1.  Turar  joyda  tintuv  o‘tkazayotganda  tergovchi  avval  tintuv 

joyida  mo‘ljal  olish  uchun  uni  ko‘zdan  kechiradi,  uning  chegarasini 

belgilaydi,  uni  muayyan  qismlarga  ajratadi,  qidirilayotgan  ob’ektlar 

yashirilishi  mumkin  bo‘lgan  joylarni,  ularni  tekshirishning  oldinma-

ketinligini  va  qidirish  usullarini  belgilaydi,  kerakli  texnik-kriminalistik 

vositalarning turlarini aniqlaydi. 

Turar  joyni  tekshirish  jarayonida  tergovchi  o‘zi  tanlagan 

yo‘nalishdan  og‘ishmay  harakat  qilishi  lozim.  Bunda  eng  avvalo 

umumiy  foydalaniladigan  joylar  va  qidirilayotgan  narsalar  yashirilishi 

mumkin bo‘lgan joylar tekshiriladi.  

Tintuvni  o‘tkazish  chog‘ida  “og‘zaki  vaziyatni  bilish”  tavsiya 

etiladi.  Bunda  tergovchi  navbatdagi  tekshiruv  ob’ektini  baland  ovozda 

e’lon qiladi va tintuv qilinayotgan bilan uning oila a’zolariga bu qanday 

ta’sir  ko‘rsatganini  kuzatadi.  Ruhiy  zo‘riqish  vaziyatida  og‘zaki  ta’sir 

ko‘rsatish  omili  beixtiyor  tashqi  o‘zgarishlarga  (rang  oqarishi,  titroq 

turishi  va  h.k.)  sabab  bo‘lishi  mumkin.  SHu  holatga  qarab  qidiruv