Microsoft Word лотинча девиант хулқ-атвор психологияси rtf

Gerontofiliya  –  keksaygan  shaxslarga  jinsiy  moyillik.  Geronto-
filiya  negizida  bolaning  katta  yoshdagi  odamga  idealga,  butga,  taqlid 
qilish  namunasi  sifatidagi  munosabati  yotadi.  E’tiborning  yetishmas-
ligi,  ota-onalari  bilan  aloqalarning  buzilishi,  kattalar  tomonidan 
g‘amxo‘rlik yo‘qligi tufayli bolalar ko‘pincha mustaqil ravishda buning 
o‘rnini to‘ldirishga urinadilar. Ayrim  hollarda ular maktabgacha ta’lim 
muassasalari  tarbiyachilariga  mehr  bilan  munosabatda  bo‘ladilar, 
ularning  bag‘riga  yopishadilar,  ularga  muloyim  so‘zlarni  aytadilar. 
Maktab  yillaridagi  ilk  muhabbat,  ayniqsa  qizlarda,  ko‘pincha  
o‘qituvchi,  artist  va  hokazoga  qaratilgan  bo‘ladi.  Gerontofiliyaning 
rivojlanishiga o‘zidan katta do‘st topishga, holbuki jinsiy sherik emas, 
balki unga g‘amxo‘rlik bilan homiylik qiluvchi kishini topishga intilish 
ta’sir  ko‘rsatishi  mumkin.  Bu    ba’zan  infantil  shaxslarda,  birinchi 
navbatda jinsiy moyilligi zaif bo‘lgan qizlarda ayniqsa aniq ko‘rinadi. 
Gerontofiliya  kattalar  tomonidan  bolalar  va  o‘smirlarni  yo‘ldan 
urish  va  o‘ziga  og‘dirish  natijasida  shakllanishi  mumkin.  U  yoki  bu 
sababga  ko‘ra  katta  yoshdagi  odamlar  bilan  bog‘liq  ilk  jinsiy 
tashvishlar  mustahkamlanishi  va  kelgusida  jinsiy  mayl  yo‘nalishini 
belgilashi  mumkin.  Katta  yoshdagi  erkaklarga  moyillik    ba’zan  yosh 
ayollarda  o‘xshash  sherikni  izlash  jarayonida  paydo  bo‘ladi,  bu  esa 
tengdoshlari bilan jinsiy aloqadagi omadsizliklar bilan bog‘liq bo‘ladi. 
Gerontofillar  yoshi  o‘zlaridan  ancha  katta  bo‘lgan  odamlar 
orasidan  tanlashadi.  Gerontofillar  tengdoshlari  bilan  jinsiy  aloqalarda 
jinsiy  qoniqishni  his  etmaydilar,  yoki  u  uncha  jo‘shqin  bo‘lmaydi. 
Erkaklarda  ko‘pincha  o‘z  yoshidagi  ayol  bilan  yaqinlik  qilishga 
urinishlar jinsiy moyillik bilan kechmaydi va ereksiyalar yetishmasligi 
oqibatida  omadsizlik  bilan  tugaydi,  ayollarda  esa  to‘lqinlanish  va 
orgazm  sodir  bo‘lmaydi.  Agar  gerontofiliya  sadistcha  odatlar  asosida 

---

 
136 
yuzaga  kelsa,  unda  jinsiy  faollik  keksa  odamlarning  nomusiga  tegish, 
azoblash va tahqirlash bilan bog‘liq bo‘ladi. 
Obyektning jinsi bo‘yicha ruhiy-jinsiy yo‘nalishning buzilishi.