Mikrobiologiyada laboratoriya mashg’ulotlari

Qog'ozli disk usuli. Qog'ozli disklar bilan antibiotikning faolligi 
aniqlanadi.  Buning  uchun    antibiotik  eritmasiga  filtrlovchi  qog'oz 
botirilib,  keyin  u  quritiladi  va  0,5  sm  diametrli    doira  (disk)  shaklida 
kesiladi.  Qog'oz  diskdagi  antibiotik  bir  sutka  ichida  oziq  muhitga 
diffuziya  qilinib, disk tevaragida mikrobning o'sishiga yo'l bermaydi. 
Qog'oz  disk  tevaragida  o'sa  olmagan    doiraning  diametri  o'lchanib, 
antibiotikning  mikrobga  kuchli  yoki  kuchsiz  ta'sir  etganligi  
aniqlanadi.  Agar  qog'oz  diskdan  15  mm  narigacha  mikrob  o'sib 
chiqmasa  antibiotikning  mikrobga  kuchsiz  ta'sir  etganligi  ma'lum 
bo'ladi.  Agar  diskning  diametri  15-25  mm  gacha  bo'lsa,  antibiotik  
mikrobga  ta'sir  etgan,  25  mm  dan  ortiq  diametrli  doira  o'smagan 
bo'lsa, antibiotik kuchli ta'sir etgan deb hisoblanadi.