Mikrobiologiya va immunologiya

 
Immuniteti. Odam organizmi stafilokokka nisbatan birmuncha chidamli, bu 
fagotsitoz  va  tabiiy  himoya  omillari,  maxsus  antitelolar  borligi  hisobiga  yuzaga 
kelgan,  chunki  stafilokokklarning  saprofit  va  shartli-patogen  turlari  odam  normal 
mikroflorasi  tarkibiga  kiradi.  Stafilokokk  kasalliklaridan  so‘ng  kuchsiz  immunitet 
hosil bo‘ladi 
Laboratoriya  tashhisi.  Mikrobiologik  tashhisda  yiring,  shilliq  qavat 
ajralmasi,  balg‘am,  siydik,  qon,  qusuq,  me’daning  chayindi  suvi  va  najas, 
shuningdek, ovqat mahsulotlari tekshiriladi. 
Mikrobiologik  tashhis  uchun,  asosan,  bakterioskopik,  bakteriologik  va 
biologik  usullar  qo‘llaniladi.  Bu  usulyordamida  ajratib  olingan  stafilokokklarning 
morfologik,  kultural,  biokimyoviy  va  virulentlik  kabi  asosiy  xususiyatlari 
o‘rganiladi.  Buning  uchun  avval  yiringdan  surtma  tayyorlanadi,  Gram  usulida 
bo‘yab, mikroskop ostida ko‘riladi. 
Uzum  shingiliga  o‘xshash  joylashgan  va  grammusbat  bo‘yalgan  kokklar 
topilsa,  demak  stafilokokk  borligi  aniq  bo‘ladi.  Stafilokokkning  turi  va  patogenlik 
xususiyatlarini  aniqlash  uchun  tekshirilayotgan  yiringni  petri  kosachasidagi  tuxum 
sarig‘i  va  tuzli,  sut-tuzli,  qonli  agar  va  go‘sht-peptonli  bulonga  ekiladi.  Agar 
bemorda  sepsis  gumon  qilinsa,  tashhisni  aniqlash  uchun  bemordan  8-10  ml  qon 
olinib, qandli bulonga ekiladi. 
Infeksiya manbaini, jumladan tug‘ruqxonalarda, ovqat bilan zaharlanishlarda, 
kasalxona  ichi  stafilokokk  kasalliklarning  tarqalish  sabablarini  aniqlashda  ajratib 
olingan  stafilokokklarning  fagotiplari  o‘rganiladi.  Bunda  standart  faglardan 
foydalaniladi.  
Bemorlarni  to‘g‘ri  davolash  uchun  ajratib  olingan  stafilokokklar  sof 
kulturalarini antibiotiklarga chidamliligi tekshiriladi. 

---

12 
 
Ba’zan  stafilokokk  ajratib  olinmagan  hollarda  bemor  qonidagi  antitoksin 
serologik  usullar  yordamida  aniqlanadi.  Hozirgi  vaqtda  juda  sezgir  hisoblangan 
immunofermant (IFU) va PZR usullari keng qo‘llanilmoqda.