Илмий тадқиқот асослари: 1000 саволга 1000 жавоб тошкент–2019

 
969 - САВОЛ: 
ДИССЕРТАЦИЯНИНГ ТУЗИЛИШИ ВА 
МАЗМУНИ ҲАҚИДА ҚАНДАЙ ФИКР-
ДАСИЗ? 
ЖАВОБ: Диссертациянинг тузилиши. Диссертация ишида 
кириш, боблар, хулосалар, фойдаланилган адабиётлар рўйхати ва 
иловалар ўз ифодасини топади.
Диссертациянинг мазмунини ифодалашда қуйидагиларга 
эътибор берилса мақсадга мувофиқ бўлади: 

мавзу долзарблигини асослашда олдиндан олиб борилган 
тадқиқот натижаларининг қисқача, ҳеч бўлмаганда умумий 
кўринишидаги таҳлили; 

мавзуни нафақат республикамизда, балки чет эллардаги ютуқ 
ва камчиликларининг таҳлили; 

мавзу долзарблигини кўрсаткичлар бўйича (мавзуга тегишли 
ДТС ва меъёрий ҳужжатлар ҳамда далилий маълумотлар) ҳам 
асослаш; 

тадқиқот мақсади ва вазифалари аниқ кўрсатилиши; 

илмий тадқиқот иши объекти ва унинг мақсад-вазифалари 
уйғун ҳолда бўлиши илмий тадқиқот ишининг методологиясини 
танлашни асослаб бериш керак; 

мавзуга оид маълумотларни тўплаш, қайта ишлаш ва уларни 
танланган метод ёки методология учун фойдаланишни таъминлаш 
мақсадида ахоборотларга айлантириш ва лозим топилганда уларни 
керакли тизимлар кўринишида шакллантириш; 

ахборотлар асосида илмий-методологик тадқиқотни олиб 
бориш ва уларнинг натижаларини илмий-услубий тилда баён қилиш; 

тадқиқотнинг илмий янгилигини исботлаш ва уларнинг аниқ 
ҳолатлари учун амалий татбиқларига кўрсатмлар бериш; 

илмий тадқиқот иши натижаларининг амалий аҳамиятини 
аниқлаш ва уни илмий-амалий жиҳатдан асослаш; 

бажарилган илмий ишланмалар бўйича тажриба-синов 
ишларини ўтказиш; 

таклиф қилинаётган натижаларнинг илмий-назарий ва илмий-
амалий аҳамиятларини баҳолаш ва улардан амалий фаолиятда ҳамда 
илм-фаннинг кейинги истиқболлари учун фойдаланишга тавсиялар 
тайёрлаш; 

---

605 
КЎРСАТМА: 1. Диссертацияни расмийлаштиришда боблар 
унинг асосини ташкил этади. Ундаги боблар сони муаммо 
салоҳиятин ва унинг ечимини баёни ҳажмига қараб турлича бўлади. 
Бунда муаммонинг ўрганилганлик даражаси, мақсад, вазифалари, 
илмий назарий асослар тушунарли қилиб, ихчам, яхлит муаммо 
сифатида баён қилиниши лозим. 
2. Мавзуга оид маълумотларни тўплаш, қайта ишлаш ва уларни 
танланган метод ёки методология учун фойдаланишни таъминлаш 
мақсадида ахборотларга айлантириш ва лозим топилганда уларни 
тизимлаштириш керак.