Илмий тадқиқот асослари: 1000 саволга 1000 жавоб тошкент–2019

726-САВОЛ: 
ТАЪЛИМ МАЗМУНИНИ ТУШУНИШГА 
КИРИБ БОРИШ ДЕГАНДА НИМАНИ 
ТУШУНАСИЗ? 
ЖАВОБ: Таълим мазмунини тушунишга кириб боришга 
асосан ўрганилаётган фан (мавзу) бўйича маълумотларни таҳлил 
қилиш ва улар асосида шаклланган хулоасалар ҳамда мазкур 

---

473 
соҳадаги билимларни такомиллаштириш орқали эришилади. 
Хулоса чиқаришга ўрганганлиги эса таққослаш, муҳокама қилиш 
ва умумий хулосалаш орқали эришилади. 
КЎРСАТМА: Ижодий фаолият юритишда интеллектуал 
салоҳиятли инсонлар фаолиятидан ва илмий мактаблар 
ютуқларидан фойдаланишни доимо эътиборга олиш лозим. Булар 
таълим ёки тадқиқот мазмунини тушунишга кириб боришда 
дидактик асос вазифасини бажариш мумкин. 
727 - САВОЛ: 
ТАЪЛИМ МЕНЕЖМЕНТИНИНГ БОШҚА-
РУВГА АЛОҚАСИ БОРМИ? 
ЖАВОБ: Таълим менежменти – бу илмий асосда ташкил 
этилган, ўзига хос поғонавийликка асосланган бошқарув. Шунга 
кўра бошқарувни турли хил моделлар асосида амалга ошириш 
мумкин: интеграл моделда биринчи поғона – педагогик жамоа 
фаолиятини бошқариш; иккинчи поғона – таълим олувчилар 
фаолиятини бошқариш. 
КЎРСАТМА: Таълим менежментида энг аввало унинг энг 
асосий мақсадини эътиборга олиш керак бўлади. Бунга сабаб 
таълим менежментининг асосий мақсади таълим муассасаларида 
ташкил этилган таълим - тарбия жараёнини илмий асосда ташкил 
этишда, муассаса олдига қўйилган мақсадларга эришиш ва 
рақобатбардош битирувчилар тайёрлашда таълим - тарбия 
жараёни иштирокчилари бўлган раҳбарлар, мутахассислар ва 
фаолиятини мувофиқлаштириш, назорат қилиш ҳамда самарали 
бошқаришни таьминлашдан иборат. 
728-САВОЛ: 
ТАЪЛИМ МЕНЕЖМЕНТИ ВА МАРКЕ-
ТИНГИ – БУЛАР ҚАНДАЙ ФАОЛИЯТ 
ЙЎНАЛИШЛАРИ? 
ЖАВОБ: Таълим менежменти ва маркетинги – педагогик 
технологиянинг замонавий ижтимоий, иқтисодий ва бошқа 
талабларга мувофиқлигини аниқлаган ҳолда уни лойиҳалаш, 
ишлаб чиқариш, амалиётга татбиқ қилиш масалаларини ҳал этади. 
У долзарб йўналишларни аниқлаб, мутахассислар учун таклифлар 

---

474 
тайёрлайди. Тегишли тартибда бизнес режалар тузиш ва уларни 
амалга оширишни бажаради. Бу масалаларни муваффаққиятли ҳал 
қила олиш учун таълим менежменти ва маркетинги соҳаларига 
чуқур ва пухта билимга эга бўлган ҳамда тажрибали 
мутахассислар жалб қилинади. 
КЎРСАТМА: Таълим менежменти ва маркетингида энг аввало 
тегишли долзарб йўналишлар аниқланади ва мутахассислар учун 
таклиф тайёрланади. Бундай муаммолар ечимларини топишнинг 
оптимал вариантини ишлаб чиқиш учун таълим менежменти ва 
маркетинги бўйича чуқур ва пухта билимга эга бўлган ҳамда 
тажрибали мутахассислар жалб қилинади.