Илмий тадқиқот асослари: 1000 саволга 1000 жавоб тошкент–2019

 
527 - САВОЛ: 
ТАЪЛИМ ТЕХНОЛОГИЯСИ – БУ 
ҚАНДАЙ ТЕХНОЛОГИЯ? 
ЖАВОБ: Таълим технологияси – тизимли тамойил бўлиб, 
ўқув жараёнини ифодаловчи ва ташкиллаштирувчи ҳамда 
таълимда қўйилган мақсадга етиш учун кўрсатмадир.
Дарс машғулотлари даврида ўқитувчининг маҳоратини 
ташкиллаштиришни таълим технологияси ўз ичига олади. 
Таълим технологияси бир пайтнинг ўзида режалаштирилган 
натижага эришишга мўлжалланган ўқув жараёнини техноло-
гиялаштиришни ва таълим жараёнининг метод ва воситалари 
мажмуасини ўз ичига олади. 

---

356 
Таълим технологияси – аниқ бир ўқув предметини ўқи-
тишнинг илмий асосланган қонун-қоида, метод ва усулларидан 
иборат бўлиб, таълимда мақсадга эришиш босқичларини ўзида 
акс эттиради ва таълим жараёнини мақсадга мувофиқ бошқариш 
имконини берувчи жараён. 
КЎРСАТМА: Мутахассислар тайёрлашнинг шахсий фаолияти 
концепцияси таълим жараёни индивидуал – ижодий шахсни 
шакллантириш сифатида қарашга, шунингдек, ўқитишни нафақат 
ўқитиладиган фан мантиқига, балки шахснинг ривожланиши 
мантиқига мувофиқ ҳолда ташкил этишга имкон беради.
 
528 - САВОЛ: 
“УМУМКАСБИЙ ФАНЛАР” БЛОКИ 
ҚАНДАЙ ВАЗИФАЛАРНИ БАЖАРАДИ? 
ЖАВОБ: “Умумкасбий фанлар” блоки қуйидаги вазифаларни 
бажаради: 

математика ва табиий-илмий фанлар билан махсус фанлар 
ўртасидаги илмий-назарий боғлиқликни таъминлайди; 

махсус фанларни ўрганиш ва чуқур эгаллаш учун зарур бўлган 
фундаментал умумкасбий билимларни, амалий кўникма ва 
ўқувларни шакллантириш; 

моделли тасаввурларни, тажриба усуллари ва олинган 
натижаларни қайта ишлаш йўриқларига оид билимларни амалда 
қўллаш кўникмаларини таъминлаш. 
КЎРСАТМА: Ўқитишнинг оптимал вариантларини топишда 
қуйидаги инновацион услублардан фойдаланган маъқул: шахсга 
йўналтирилган ўқитиш технологияси, таълимни бошқаришнинг 
замонавий усуллари, таълимни такомиллаштириш ва бошқа-
ришнинг ахборотли ўқув муҳитини яратиш ва улардан фойда-
ланишнинг компьютерли тизимини яратиш услублари кабилардан 
жорий этиш ва ҳ.к.