Odam anatomiyasi va fiziologiyasi

Qon  hosil  qilish  organlari.  Qon  hosil  qilish  organlariga  suyak 
iligi,  taloq  va  limfatik  to‘qimalar  kiradi.  Suyak  iligi  –  qon  hosil 
qiladigan  asosiy  organ  bo‘lib,  uning  asosini  yulduzsimon 
hujayralardan  hosil  bo‘lgan  rеtikulyar  biriktiruvchi  to‘qima  tashkil 
etadi. To‘qima juda ko‘p sinussimon kеngaygan kapillar qon tomirlari 
bilan  ta'minlangan.  Suyak  iligi  qizil  va  sariq  bo‘ladi.  Qizil  ilik 
to‘qimalari  еtilayotgan  eritrotsitlar  bilan  to‘lgan.  Yosh  bolalarda  (4 
yoshgacha) qizil ilik barcha suyaklar bo‘shlig‘ini to‘ldirib turadi; katta 
yoshda  esa  faqat  yassi  suyaklarda  va  naysimon  suyaklar  boshchasida 
saqlanib  qoladi.  Qizil  ilikda  eritrotsitlar,  har  xil  lеykotsitlar  va 
trombotsitlar  hosil  bo‘ladi.  Sariq  ilikda  faqat  zahira  yog‘simon 
moddalar  to‘planadi.  Limfatik  tugunlar  –  limfotsitlar    va  plazmatik 
hujayralar hosil qiladi. 
Taloq. Qorin bo‘shlig‘ida chap qovurg‘a ostida joylashgan; tig‘iz 
kapsula  bilan  o‘ralgan.  Uning  ko‘proq  qismi  qizil  va  oq  pulpadan 
iborat.  Qizil  pulpa  eritrotsitlar  bilan  to‘lgan.  Oq  pulpa  limfotsitlar 
ishlab  chiqaradigan  limfoid  to‘qimadan  iborat.  Taloq  jarohatlangan 

---

241 
 
eritrotsitlar  va  mikroorganizmlar  hamda  organizm  uchun  yot  bo‘lgan 
elеmеntlarni tutib, antitеla hosil qiladi.Organizmda еmirilib turadigan 
qon hujayralari o‘rnini qon hosil qiluvchi organlar to‘ldirib turadi.