Ўзбекистон республикасининг қонуни

6-модда. Сертификатлаштириш объектлари ва субъектлари 
Маҳсулотлар (шу жумладан, дастурий ва бошқа илмий-техникавий маҳсулотлар), 
хизматлар, шунингдек сифат тизимлари сертификатлаштириш объектлари ҳисобланади.
"Ўзстандарт" агентлигининг ўзи, унинг томонидан аккредитация қилинган ёки 
эътироф этилган сертификатлаштириш органлари, синов лабораториялари (марказлари), 
сертификатлаштириш соҳасидаги текширув органлари, сифат бўйича эксперт-аудиторлар, 
шунингдек маҳсулоти сертификатлаштирилиши лозим бўлган корхоналар, муассасалар, 
ташкилотлар, жисмоний шахслар сертификатлаштириш субъектларидир. 
(ЎзР 25.04.2003 
й. 482-II-сон Қонуни таҳриридаги қисм) (Олдинги таҳририга қаранг) 
Сертификатлаштириш субъектлари - юридик шахслар сертификатлаштириш миллий 
тизими доирасида сертификатлаштириш тизимлари тузишлари мумкин. Юридик 
шахсларнинг сертификатлаштириш тизимлари "Ўзстандарт" агентлиги белгилаган 
тартибда давлат рўйхатидан ўтказилиши шарт. 
(ЎзР 25.04.2003 й. 482-II-сон Қонуни 
таҳриридаги қисм) 
II БОБ. СЕРТИФИКАТЛАШТИРИШ 
ФАОЛИЯТИГА ДОИР УМУМИЙ ТАЛАБЛАР 

---

7-модда. Мувофиқлик сертификати ва мувофиқлик белгиси 
8-модда. Сертификатлаштириш фаолиятини амалга ошириш 
9-модда. Сертификатлаштириш тўғрисида ахборот 
7-модда. Мувофиқлик сертификати ва мувофиқлик белгиси 
Маҳсулотнинг белгиланган талабларга мувофиқлиги тасдиқлангани тақдирда 
сертификатлаштириш органи мувофиқлик сертификати беради, тайёрловчи ана шу 
сертификат асосида мувофиқлик белгисини ишлатиш ҳуқуқига эга бўлади.
Сертификатлаштириш 
тизимида 
фойдаланиладиган 
мувофиқлик 
сертификатларининг, аккредитация қилинганлик тўғрисидаги гувоҳномаларнинг 
намуналари, миллий мувофиқлик белгисининг шакллари ва ҳажмлари "Ўзстандарт" 
агентлиги томонидан тасдиқланади. 
(ЎзР 25.04.2003 й. 482-II-сон Қонуни таҳриридаги 
қисм) 
Мувофиқлик сертификатлари, мувофиқлик белгилари, сертификатлаштириш 
органлари ва синов лабораторияларининг (марказларининг) аккредитация қилинганлик 
тўғрисидаги гувоҳномалари "Ўзстандарт" агентлиги томонидан белгиланган тартибда 
Давлат реестридан ўтказилиши шарт. 
(ЎзР 25.04.2003 й. 482-II-сон Қонуни таҳриридаги 
қисм) 
Давлат реестрида 
рўйхатдан ўтказилмаган мувофиқлик сертификатлари, 
мувофиқлик белгилари, сертификатлаштириш органлари ва синов лабораторияларининг 
(марказларининг) аккредитация қилинганлик тўғрисидаги гувоҳномалари ҳақиқий эмас.
Мувофиқлик сертификатидан, мувофиқлик белгисидан фойдаланиш ҳуқуқини ҳамда 
сертификатлаштириш органлари ва синов лабораторияларининг (марказларининг) 
аккредитация қилинганлик тўғрисидаги гувоҳномаларини аризачи бошқа юридик ёки 
жисмоний шахсга бериши ман этилади.