A. B. Xayitov, A. M. Akbarov personalni

 
2.2. Korxona personali 
 
Korxona  personali  —  yuridik  shaxs  hisoblangan  korxona  ma’muriyati  (ish 
beruvchi) bilan ishga yollangan xodimlar o’rtasidagi mehnat munosabatlarini shartnoma 
asosida muvofikdashtirib turadigan jismoniy shaxslardir. 
Bunday mehnat munosabatlarida xodimlar korxona egalari (mulkdorlari) yoki 
korxona  mulkiga  sherik  bo’lishlari  ham  mumkin.Ular  bu  holda  korxona  foydasidan 
o’z  ulush  (dividend)lariga  ega  bo’libgina  qolmasdan,  korxonadagi  shaxsiy  mehnat 
faoliyati uchun tegishli ish haqi ham oladilar. 
Shaxsiy  mehnat  faoliyati  bilan  shug’ullanuvchilar  hamda  oilaviy  korxonalarda 
mashg’ul  bo’lganlar  yuridik  shaxs  sifatida  ro’yxatga  olingan  bo’lsalarda,  yollanib 
ishlayotgan  personal  tarkibiga  kiritilmaydi. Chunki  ular  o’z  mehnatlari  uchun  soliklar 
va  boshqa  majburiy  to’lovlar  amalga  oshirilgandan  so’ng  ixtiyorlarida  qoladigan 
daromadlari hisobidan haq oladilar. 
Korxona  personali  shaxsiy  tarkibiga  unda  band  bo’lgan  barcha  xodimlar: 
yollanib ishlayotgan ishchilar, mutaxassislar, rahbarlar ham, ishlayotgan mulk egalari 
ham kiradi. 
Zamonaviy korxona tarkibi quyidagichadir: 
-  mulkdorlar(aksiyadorlar); 
-  boshqaruvchilar (menejerlar); 
-  korxona personali (jismoniy shaxslar).