Bolalar kasalliklari propedevtikasi

Haroratni  sezuvchanlik.  Yangi  tug‗ilgan  chaqaloqda  haroratni  sezish 
rivojlangan  bo‗ladi.  Bunda  -sovuqqa  bo‗lgan  sezuvchanlik  issiqqa  bo‗lgan 
sezuvchanlikka  nisbatan  ancha  yuqori  bo‗ladi.  Odatda  harorat  sezuvchanligi  bola 
terisiga  issiq  yoki  sovuq  probirkani  tekqizib  tekshiriladi.  Bunda  haroratni 
sezuvchanlik  saqlangan  bo‗lsa,  kichik  yoshdagi  bolalar  bezovdalik,  yig‗lash, 
qichqirish  bilan  javob  berib,  katta  yoshdagi  bolalar  issiq  va  sovuq  deb  javob 
beradilar.  
Bolaning asab sistemasi va ruxiyatni tekshirib baholash. 
Bolani  asab  ruxiy  holati  bemor  shikoyatidan,  yig‗ilgan  anamnezdan,  hamda 
ob‘ektiv tekshirish natijalariga asoslanib baholanadi. 
SO‘RASh  (anamnez)  orqali  asab  sistemasida  kasallikni  paydo  bo‗lishiga 
sabab  bo‗luvchi  omillar,  jumladan  homiladorlik  va  tug‗ilishni  qanday 
kechganligi.  Homilador  ayolda  infeksion-  toksik  kasalliklar,  hamda  tug‗ilish 
davrida  bolada  markaziy  -  periferik  asab  sistemasini  jarohatlanishi  bo‗lgan 
bo‗lmaganligini  aniqlash  muhim  o‗rin  tutadi.  Tug‗ilganda  bolada  asfiksiya 

---

 
72 
gemolitik  kasallik  kuzatilgan  yoki  kuzatilmaganligi  so‗raladi.  Keyinchalik 
bolada asab  - ruhiyatni  yoshga qarab rivojlanishi uning xulk  atvori, boshqalar 
bilan  munosabati,  darslarni  o‗zlashtirishi  aniqlanadi.  Kattaroq  yoshdagi 
bolalarda  o‗tkazilgan  kasalliklar,  ayniqsa  asab  sistemasini  jarohatlovchi, 
meningit,  ensefalit,  poliomielit  kabi  kasalliklar  bo‗lgan  bo‗lmaganligi 
aniqlanadi.  Avlodda  nasldan  o‗tgan  kasalliklar  bor  -yo‗qligini  so‗rab  olish 
lozim.  Anamnezni  onadan  tashqari  kattaroq  yoshdagi  bolalardan  (4-5  yoshdan) 
ham aniqlash lozim.