Умумий гигиена ва санитария бйўича ќўлламалар

ЖЙЮК ҳақида маълумот 
 
ЖЙЮК хавфли ва юқумли бўлиши мумкин. Улар вақтида даволанмаса, жиддий 
касалликларни келтириб чиқариши мумкин.
 
ЖЙЮК нима? 
ЖЙЮК – жинсий йўллари билан юқадиган касалликлар дегани. У касалликлар бир 
одамдан бошқа одамга, асосан жинсий алоқа орқали юқади. ЖЙЮК ҳар қандай жинсий 
фаол бўлган эркак ёки аёлга ёши, ирқи ёки ижтимоий мавқеидан қатъий назар, юқиши 
мумкин. Шуниндек, одам ҳаёти давомида жинсий шериклари сони қанча кўп бўлса, 
ЖЙЮК юқиш хавфи шунчалик юқори бўлади. 
Бугунги кунгача, дунё бўйича 20дан ортиқ ЖЙЮК тури аниқланган. Уларнинг ичида энг 
кўп учрайдиганлари, бу сўзак (гоноррея), захм (сифилис), трихомоноз, хламидия, генитал 
герпес (пуфакли лишай), генитал сўгаллар (ўткир учли кандилома) ва ОИТВ/ОИТСдир. 
ЖЙЮКлар вақтида аниқланиб, даволанмаса, жиддий оқибатларга олиб келишлари 
мумкин. Баъзи ЖЙЮК турлари бепуштлик, бачадон саратони (раки), кўрлик, юрак 
хасталиклари, руҳий касалликлар, бўғимларнинг шикастланиши ва ҳатто ўлимга ҳам олиб 
келиши мумкин. Шу нарса истобланганки, ЖЙЮК билан касалланган одамда 
ОИТВ/ОИТС касаллигини юқтириб олиш хавфи юқорироқ бўлади. 
Одам ЖЙЮК билан касалланганда қуйидаги белгилар кузатилиши мумкин. 
ЖЙЮКнинг белгилари: 
1. Қин, олат ёки йўғон ичакдан ғалати ажралмалар чиқиши 
2. Сийганда ёки жинсий алоқа пайтида оғриқ ёки ачишиш бўлиши 
3. Эркакларда моякнинг оғриши 
4. Жинсий аъзолар ёки оғиз атрофида пўрсилдоқ, ярача, сўгал ва тошмаларнинг 
пайдо бўлиши ёки шишиб кетиши 
5. Иситма, бош оғриғи, мушакларни оғриши ва қовуқ, қўлтиқ ёки бўйин 
безларининг шишиб кетиши каби одатда грипп билан касалланганда 
кузатиладиган белгилар. 
Аксарият ЖЙЮК турларининг белгилари бошланғич даврда яққол кузатилмайди, шунинг 
учун ЖЙЮК билан касалланган одам бутунлай соппа-соғ бўлиб кўриниши мумкин. 
ЖЙЮК билан касалланганликни аниқлашнинг ягона йўли тиббий кўрикдан ўтиш ва 
лаборатория таҳлилларини (анализ) ўтказишдир. Баъзан белгилар ўз-ўзидан йўқолиб 
кетиши мумкин, лекин бу касаллик ҳам ўтиб кетди дегани эмас. Касалликдан одам 
охиригача даволанмаса, касаллик одам организмида қолади ва бошқа одамга ўтиши 
мумкин. Агар бирор киши ЖЙЮК билан касалланган бўлса, у ўз жинсий шериги билан 
тиббий кўрикдан ўтиши ва даволаниши лозим, акс ҳолда улар бир-бирларига касалликни 
яна юқтиришилари мумкин.