Abdulla avloniy pandlar, hikoyalar, kitobidan

NAZOFAT 

 

 

Nazofat  deb  a'zolarimizni,  kiyimlarimizni,  asboblarimizni  pok  va  toza 

tutmoqni aytilur. 

 

Poklik  zehn-u  idrokingni  keng  va  o'tkur  qilur.  Xalq  orasida  e'tibor-u 

shuhratga sabab bo'lur. Poklik ila har xil kasallardan qutulub, jonimizning qadrini 

bilgan bo'lurmiz. Pok bo'lmak salomatimiz, saodatimiz uchun eng kerakli narsadur. 

Pok  bo'lmagan  kishi  Alloh  ham  xalq  qoshida  sevimsizdur.  Yirtiq,  eski  kiyimlar 

kiymak ayb emas, yangi kiyimlami kir qilub yog'ini chiqarub yurmak zo'r ayb va 

gunohdur.  Chunki  bu  ish  shariatga  ters,  tarbiyati  badanga  zid,  ajnabiylar  ko'ziga 

islomi-yatni  chirkin  qilib  ko'rsatmoq  bo'ladur,  ham  bir  yilga  yetadurgan  kiyimlar 

olti  oyga  yetmay,  qirqulub  tamom  bo'ladur.  Bu  isrof,  mol  qadrini  bilmaslikdur. 

Ifloslik balosidan poklik davosi i|a qutulmoq kerak. Baliqning hayoti suv ila o'ldig'i 

kabi,  insonning  salomatligi  havo  iladur.  Agar  tan  pok  bo'lub  yuvilub  turmasa, 

quloq  kir  bo'lsa,  eshitmagani  kabi  badan  ham  o'ziga  kerak  bo'lgan  havoni  ichiga 

ololmas,  ichidagi  rutubat  ham  kirdan  o'tub  chiqub  ketolmas,  chunki  badan  elak 

kabi ko'zlikdur. Agar ko'zi kir olsa, un turub suv ham o'tmas, shuning uchun tamiz 

bo'lmagan  kishilar  qo'rqinch  kasallarga  tezgina  giriftor  bo'lurlar.  Shodliqlari 

g'amda,  oltundan  qadrli  umrlari  kasalxonalarda  o'tar.  Mana  shularni  rioya  qilub, 

shariatimiz  bizga  poklikni  farz  qilmishdur.  Poklik  musulmonlig'ning  ildizidur. 

www.kitob.uz saytida elektron kitoblar, audio ertaklar, darsliklar mavjud

---

Shuning  uchun  tani,  kiyimi,  joynamozi  pok  bo'lmagan  kishining  ibodati  ham 

durust  bo'lmaydur.  Rasuli  akram  nabiyyi  muhtaram  sallallohu  alayhi  vasallam 

afandimiz:  «Islom  dini  pok  dindur.  Bas,  pok  boiingiz,  pok  bo'lmagan  kishi 

jannatka kirmas», - demishlar. 

 

 

Xalqi olam suygusidur tozalik va pokni,  

 

 

Poklik ortturgusidur fahm ila idrokni.  

 

 

Har kishini ko'ksida poklik nishoni bo'lmasa,  

 

 

Tozalik maydonidan quvg'aylar ul bebokni.