Quloq tomoq

Qizilo‘ngachning klinik anatomiyasi va 
uni tekshirish usullari
Qizilo‘ngach fibroz-mushak nay bo‘lib, ichidan shil-
liq parda bilan qoplangan. Katta yoshli odamlarda uning 
uzun ligi 25 sm bo‘ladi.
Asosiy fiziologik vazifasi ovqatni me’daga o‘tkazish.
Qizilo‘ngach umurtqa pog‘onasi oldida, traxeyaning 
orqasida joylashgan. Qizilo‘ngach va umurtqa pog‘onasi 
orasida yog‘ klet chatkasi joylashgan. U halqumosti klet-
chatkasining davomidir.
Qizio‘ngach bo‘yin, ko‘krak va qorin qismiga bo‘linadi. 
Uzunasi davomida uning diametri turlichadir. Qizilo‘ngach-
da 3 ta fiziologik torliklar mavjud: qizilo‘ngachga kirishda, 
aortaga tegib turgan joyda va me’daga kirishda.
Qizilo‘ngachning yuqori qismida mushak devori ko‘nda-
lang mushak tolalaridan iborat. Ular tez va kuchli qisqarish 
qobiliyatiga ega, bu o‘z navbatida oziq-ovqat qismlarini 
me’da tomon yo‘naltiradi.
Qizilo‘ngachning o‘rta qismi ko‘ndalang va shilliq 
mushak tolalaridan iborat, pastki qismida esa faqat shilliq 
mushak tolalari mavjud.