Microsoft Word iqbol mirzo ziyouz com doc

TANGRI SIZNI... 
 
Quyosh – yolg‘iz, oy tanho, 
Oy quyoshga o‘ptirdi. 
Men – Siz – Siz – Men va Samo... 
Tangri sizni ko‘p ko‘rdi. 
 
O‘n sakkiz ming olamda 
Har tomchining o‘z o‘rni. 
Ko‘ylagim – oq alanga, 
Tangri sizni ko‘p ko‘rdi. 
 
Suv ichaman deganda 
Soyga tushirdim durni. 
Ixtiyorim – Egamda, 
Tangri sizni ko‘p ko‘rdi. 
 
Men ne isyon etayin – 
Ekkanning o‘zi o‘rdi. 

---

Sizni kuylayman (she’rlar to’plami). Iqbol Mirzo 
 
 
www.ziyouz.com kutubxonasi 
123
Arzim kimga aytayin – 
Tangri sizni ko‘p ko‘rdi. 
 
Yolg‘iz – yagonam, dedim, 
Kimlarnidir rashk urdi. 
Ko‘rib, to‘ymagan edim, 
Tangri sizni ko‘p ko‘rdi. 
 
1998