Саноат маркетинги

 
5.3. Узоқ муддатли молиявий инвестицияларни қиймат усули ва улушли қатнашиш 
усули билан ҳисобга олиш 
Корхона томонидан молиявий қўйилмалар қимматли қоғозларга, яъни овоз бериш ҳуқуқига 
эга бўлган бошқа корхоналарнинг акцияларига қўйилиши мумкин. 
Корхона бошқа корхона акцияларининг назорат тўплами (50% кўпроғини сотиб олган 
ҳолатда компания-инвестор эмитентга нисбатан бош компания хисобланади, эмитент эса 
компания-инвесторнинг шўьба корхонаси ҳисобланади. Шўьба корхонасининг оддий 
акцияларига молиявий қўйилмалар бош компаниянинг бухгалтерия ҳисобида молиявий 
инвестициялар ҳисобланади ва улушли қатнашиш усули билан ҳисобга олинади. Фаолиятни 
шўьба корхонаси билан бирликдаги хўжалик юритувчи субъект тарзида акс эттириш учун бош 
компания жамланган (йиғма) хисобот тайёрлайди. 
Икки маротабалик ҳисобни олдини олиш мақсадида, жамланган ҳисоботни тайёрлашда 
ҳисоботдан бир-бирини такрорлайдиган бандларни чиқариб ташлаш лозим. Ҳисобот 
бандларидан қуйидагилар чикариб ташланади: 
- ўзаро қўйилмаларни хисобга олувчи ҳисобварақлар; 
- шўъба ташкилоти капиталини ҳисобга олувчи ҳисобвараклар; 
- бош ва шўъба компаниялари орасидаги дебиторлик ва кредиторлик қарзлари; 
- бош ва шўъба компаниялари орасида амалга оширилган операциялардан ҳосил бўлган 
даромадлар ва харажатлар. 
Жамланган ҳисобот бош ва шўьба компанияларининг ягона ҳисоб сиёсати асосида 
тайёрланиши керак. 
Бош ва шўъба корхоналари томонидан ҳисобга олишнинг турли услубиятлари қўлланилган 
тақдирда жамланган хисоботга илова қилинган тушунтириш хатида бухгалтерия хисобининг 
бошқа услубияти қўлланилган ҳар бир банди ёритилиши лозим. 
Мисол. «Фонон»АЖ «Фотон»АЖнинг овоз бериш ҳуқукига эга бўлган 10 минг дона оддий 
акцияларининг ҳар бирини 500 сўмдан сотиб олди, бу «Фотон» АЖ акцияларининг 40% ни 
ташкил этади. «Фотон» АЖ томонидан эълон қилинган дивидендлар 18000 сўм, унинг 
тақсимланмаган фойдаси эса - 160000 сўмни ташкил этади. 
Акцияларни сотиб олиш (10000 х 500) = 5000000 сўм. 
Д-т 0610 «Қимматли қоғозлар» - 5000000 сўм 
К-т 5110 «Ҳисоб-китоб хисобварағи» - 5000000 сўм. 
«Фотон» АЖ томонидан дивидевдларни эълон килиниши: 
Д-т 4840 «Олинадиган дивидендлар» - 18000 сўм 
К-т 0610 «Қимматли қоғозлар» - 18000 сўм. 
Дивидендлар олинишида: 
Д-т 5110 «Ҳисоб-китоб хисобварағи» - 18000 сўм 
К-т 4840 «Олинадиган дивидендлар» - 18000 сўм. 
Тақсимланмаган фойдани акс этгаришда «Фотон» АЖ соф фойдасидаги «Фонон» АЖнинг 
улуши хисобланади 160000 х 40% = 64000 сўм. 
Д-т 0610 «Қимматли қоғозлар»- 64000 сўм 
К-т 9520 «Дивидендлар кўринишидаги даромадлар» - 64000 сўм. 
Корхона-инвестор, ўз инвестицияларини саклаб қолган ҳолда, акциялар сотиб олган 
корхонасига аҳамиятли таъсир кўрсатишни тўхтатган тақдирда ёки уюшмага айлантирилган 
корхона, инвесторга ўз фондларини ўтказиш қобилиятини чеклайдиган қаттиқ узоқ муддатли 
чеклаш остида фаолият кўрсатган ҳолатда инвестор улушли қатнашиш усулини тўхтатишга ва ўз 
инвестициялари учун қиймат усулини қўллашга мажбур. 
Бошқа корхонанинг оддий акцияларига узоқ муддатли инвестициялар овоз бериш ҳуқуқига 
эга бўлган акцияларнинг умумий миқдоридан 20% гача бўлган тақдирда, инвестор пассив улушга 

---

эга ёки компания-эмитент фаолиятига ахамиятсиз таъсир кўрсатади деб хисобланади, шу боис 
ушбу инвестицияларнинг бухгалтерия ҳисоби, одатда қиймат усули билан амалга оширилади. 
Ушбу усулнинг мохияти ва унинг улушли катнашиш усулидан фарқи шундан иборатки, 
акциялар бўйича дивидендлар эълон қилиш пайтида даромадни ва дебиторлик қарзини оширади, 
дивидендларни олиш эса - дебиторлик қарзини камайтиради. 
Мисол. 2005 йил 1 январда «Диана» компанияси «Наргиз» компаниясининг ҳар бир акцияни 
1000 сўмдан 1000 та оддий акциясини сотиб олди, бу «Наргиз» компанияси барча акцияларининг 
10% ни ташкил этади. Акцияларнинг қопланиш муддати 5 йил. «Наргиз» компанияси томонидан 
130000 сўм дивиденд эълон қилинди. Компаниянинг бир йилга соф фойдаси 2500000 сўмни 
ташкил этди. 
Акциялар сотиб олиниши: 
Д-т 0610 «Қимматли қоғозлар» - 1000000 сўм 
К-т 5110 «Ҳисоб-китоб ҳисобварағи» - 1000000 сўм
Дивидендлар эълон қилиниши:
Д-т 4840 «Олинадиган дивидендлар» - 130000 сўм
К-т 9520 «Дивидендлар кўринишидаги даромадлар» -130000 сўм 
Дивидендлар олиниши: 
Д-т 5110 «Ҳисоб-китоб ҳисобварагиа» - 130000 сўм
К-т 4840 «Олинадиган дивидендлар» - 130000 сўм
Пул маблағларини саклаб қолиш учун акциядорлар ўртасида дивидендларни тақсимлашда 
акциядорлик жамиятлари дивидендларни акциялар билан тўлаши мумкин. Акциялар 
кўринишидаги дивидендлар активларни, мажбуриятларни ёки акциядорлик капиталини ҳеч 
қандай ўзгартирмайди ва инвесторнинг фоиз тарзидага улуши ўзгаришига таъсир кўрсатмайди. 
Мисол. «Малика» АЖ «Ширин» компаниясининг ҳар бири 700 сўмдан 1000 та одций 
акцияларини сотиб олди. Сотиб олиш кунида қуйидаги ёзув амалга оширилади:
Д-т 0610 «Қимматли қоғозлар» - 700000 сўм
К-т 5110 «Ҳисоб-китоб ҳисобварағи» - 700000 сўм
Бир қанча вақт ўтгандан кейин «Малика» АЖ 50% даромадни оддий акциялар кўринишида 
олди, яъни муомаладаги оддий акциялар миқдори 1500 тани ташкил этди. Дастлабки сотиб 
олинган акцияларнинг қиймати 700000 сўм. 500 та акцияларнинг қиймати - 0 сўм. Мавжуд 
бўлган 1500 та акцияларнинг баланс қиймати - 700000 сўм. 
Битта акциянинг баланс қиймати 700000 : 1500 = 466,6 сўмни ташкил этади. Бинобарин, 
«Ширин» компаниясининг 1500 та акцияларига «Малика» компаниясининг узоқ муддатли 
молиявий қўйилмалари баланс қиймати дивидендлар олингунга қадар 1000 та акцияларнинг 
баланс қийматига тенг бўлади, чунки «Малика» АЖ ушбу акцияларни сотиб олмаган. «Малика» 
АЖ 500 та акцияларни сотиб олишда ҳеч қандай ўтказма берилмайди, лекин таҳлилий ҳисобда 
мавжуд бўлган акциялар микдори ошади.