Tábiyattí qorǵaw haqqínda

48-statya.  Qorshap  turǵan  tábiyǵıy  ortalıqqa  zıyanlı  tásir

jasawshı  obektlerdiń  jumısın  sheklew,  toqtatıp  qoyıw,

saplastırıw  hám  ózgertiw

            Kárxanalar, shólkemler, qurılmalar hám basqa da

obektler  adamlardıń  densawlıǵına  yamasa  jasaw  jaǵdaylarına,

tábiyǵıy resurslarǵa, qorǵalatuǵın tábiyǵıy aymaqlarǵa zıyanlı

tásir  etken  yamasa  usınday  tásir  etiw  qáwpi  tuwılǵan

jaǵdaylarda olardıń jumısı shekleniwi, toqtatıp qoyılıwı, al

zıyanlı  tásir  etiwdiń  sebeplerin  saplastırıw  imkaniyatı

bolmaǵan  jaǵdayda  saplastırılıwı  yamasa  ózgertiliwi  múmkin.

(QR JK 21.10.2011-j. 99/VII-sanlı Qararına tiykar ózgerisler

kiritilgen).

Bunday  obektlerdiń  jumısın  sheklew,  toqtatıp  qoyıw,

saplastırıw  yamasa  ózgertiw  hám  olardı  qarjı  menen

támiyinlewdi  toqtatıw  haqqındaǵı  sheshimlerdi  mámleketlik

hákimiyat  hám  basqarıw  uyımları,  óz  wákilliklerine  muwapıq

ekologiya hám qorshaǵan ortalıqtı qorǵaw uyımları qabıl etedi.

 

---