Мундарижа Бухгалтерия ҳисоби тўғрисида тушунча Бухгалтерия ҳисобининг субъектлари ва объектлари Бухгалтерия ҳисоби тамойиллари

Бухгалтерия ҳисобининг субъектлари ва объектлари 
Бухгалтерия ҳисобининг субъектлари деб қонунчиликка мувофиқ бухгалтерия 
ҳисобини юритишга мажбур бўлган муассаса, ташкилот ва корхоналарга айтилади. 
Бухгалтерия ҳисобини Ўзбекистон Республикаси ҳудудида фаолият юритувчи барча 
юридик шахслар юритиши шарт, шу жумладан ишлаб чиқариш, тижорат, ишлаб 
чиқариш-савдо корхоналари, банклар, суғурта, илмий-тадқиқот, маслаҳат, ижтимоий 
ва нотижорат ташкилотлар, жамғармалар, сиёсий партиялар, бюджетдан 
молиялаштириладиган давлат муассасалари ва ҳокимиятлар, кооперативлар, 
бирлашма ва ассоциациялар. 
Бухгалтерия ҳисобининг объектлари корхонада ҳисобга олинадиган бир турдаги 
элементлар гуруҳини акс эттиради. Бухгалтерия ҳисобининг элементлари бўлиб 
корхона активлари, унинг мажбуриятлари, хусусий капитал, даромадлар
ва харажатлар, фойда ва зарарлар ҳисобланади. 
 
Схема 4. Бухгалтерия ҳисоби элементлари 
Корхона активлари (бошқача айтганда мулки) — бу хўжалик воситаларининг турли 
шакллари бўлиб, корхона уларга эгалик қилади ва ўзининг молиявий хўжалик 
фаолиятини амалга оширади. Корхона активлари икки турга бўлинади: узоқ муддатли 
ва жорий (айланма) активлар. 
Узоқ муддатли активларга фойдаланиш муддати бир йилдан ортиқ бўлган мулклар 
киради. Фойдали ишлатиш муддати — мулк корхонага даромад ёки иқтисодий наф 
олиб келадиган даврдир. 
Жорий активларга бир йилдан кам муддат давомида фойдаланиш учун 
мўлжалланган, бир ишлаб чиқариш даврида тўлиқ истеъмол қилинадиган,
ўз қийматини ишлаб чиқарилган маҳсулот ёки кўрсатилган хизматга ўтказадиган 
мулклар киради . 
Даромадлар 
Харажатлар 
Фойда 
Бухгалтерия ҳисоби элементлари 
Активлар 
Мажбуриятлар 
Хусусий капитал 
Фойда 

---

БУХГАЛТЕРИЯ АСОСЛАРИ 
7 
БУХГАЛТЕРИЯ ҲИСОБИ АСОСЛАРИ 
5-схема. Активлар таркиби 
Узоқ муддатли активларга мулкнинг қуйидаги шакллари киради: