Научный совет dsc

Диссертация тадқиқотининг диссертация бажарилган олий таълим 
муассасасининг илмий-тадқиқот ишлари режалари билан боғлиқлиги. 
Диссертация мавзуси Тошкент давлат юридик университетининг илмий-
тадқиқот ишлари режасига мувофиқ «Жиноят кодексини такомиллаштириш 
ва уни қўллаш амалиёти муаммолари», «Глобаллашув шароитида жиноятлар 
билан курашни такомиллаштириш муаммолари» илмий тадқиқот лойиҳалари 
доирасида амалга оширилган. 
Тадқиқотнинг мақсади судлар томонидан жиноий жазони тайинлаш 
билан боғлиқ ҳуқуқий муносабатларни комплекс тарзда ўрганиш, халқаро ва 
ички нормаларни ва жазо қўлланилиши билан боғлиқ асосий жиноят-ҳуқуқий 
муаммоларни қиёсий ҳуқуқий таҳлил қилиш, шунингдек, жазони қўллашда 
жиноят қонунчилиги нормаларни тўғри қўллашга қаратилган илмий 
жиҳатдан асосланган тавсияларни ишлаб чиқишдан иборат.
Тадқиқотнинг вазифалари: 
жазо тушунчасига, унинг моҳиятини, асосий белгилари ва мақсадларини 
ва жиноят ҳуқуқий муносабатлар тизимидаги ўрнини аниқлаш; 
айрим хорижий давлатлар қонунчилигида жазони тайинлашнинг ўзига 
хос хусусиятларини ўрганиш ва миллий қонунчилик билан қиёсий таҳлил 
асосида Жиноят кодексини такомиллаштириш бўйича тавсиялар ишлаб 
чиқиш; 
жазо тизимини ва айрим турдаги жазоларни ўрганиш, жазо тизимини 
янги жазо турлари билан тўлдириш бўйича таклифлар ишлаб чиқиш; 
суд амалиётида жазони тайинлашнинг умумий қоидалари бўйича юзага 
келадиган муаммоларни ва уларни ҳал қилиш усулларини таҳлил қилиш; 
жазони тайинлаш билан боғлиқ масалалар юзасидан жиноят 
қонунчилигини такомиллаштириш бўйича таклифлар ишлаб чиқиш. 
Тадқиқотнинг объекти Ўзбекистонда жиноий жазони тайинлаш билан 
боғлиқ жиноят-ҳуқуқий ва бошқа ижтимоий муносабатлар тизими 
ҳисобланади. 
Тадқиқотнинг предмети Ўзбекистон Республикаси ва хорижий 
давлатларнинг ўрганилаётган объектга доир норматив-ҳуқуқий ҳужжатлар, 
шунингдек жиноий жазо тушунчаси, жазо турларига оид илмий ишлар ҳамда 
жазо тайинлашга оид суд амалиётидан иборат.