Сборник тезисов «Ипак ва зираворлар»

 
Farmanov E.A., o’qituvchi,
Buxoro davlat universiteti
O’ZBEKISTONDA TURIZM INFRATUZILMASINI RIVOJLANTIRISН 
YО`LLARI (BUXORO TURISTIK MINTAQASI MISOLIDA) 
Dunyo turizm sohasidagi o'sish O'zbekiston Respublikasi turizmidagi o'sishga 
ham ta'sir etdi. Mustaqillikning dastlabki yillaridan boshlab, O'zbekiston dunyo 
turizm bozoriga dadil qadamlar bilan kirib borib, jahon turizmidagi o'z o'rnini egallab 
kelmoqda.
Shuningdek, O‘zbekiston Respublikasi Prezidenti Shavkat Mirziyoyev 
raisligida 22-fevral kuni videoselektor yig‘ilishi o‘tkazildi. Unda xorijiy turistlar 
oqimini ko‘paytirish va ichki turizmni yanada rivojlantirish, sayyohlik xizmatlarini 
yaxshilash va turlarini kengaytirish bo‘yicha ko‘rilayotgan choralar natijadorligi 
tanqidiy tahlil qilindi. Undan oldin, davlatimiz rahbarining 2016-yil 2-dekabrdagi 
«O‘zbekiston Respublikasining turizm sohasini jadal rivojlantirishni ta’minlash 
chora-tadbirlari to‘g‘risida»gi farmoniga muvofiq, sayyohlik mamlakatimiz 
iqtisodiyotining strategik tarmog‘i sifatida belgilandi. Prezidentning 2017-yil 16-
avgustdagi qarori bilan 2018-2019-yillarda turizm sohasini rivojlantirish bo‘yicha 
birinchi navbatdagi chora-tadbirlar dasturi tasdiqlandi.[1] Shu dastur asosida 
yuqorida davlat idora rahbarlariga ham o’z vazifalarini belgilab berdi.
Hozirgi kunda respublikamizda xorijiy turistlarga asosan madaniy-tanishuv 
turlari taklif qilinib, ularning davomida tarixiy, arxitektura, diniy obidalar va 
ziyoratgohlar bilan tanishtiriladi, mahalliy aholining turmush tarzi va madaniyati 
ko'rsatiladi. Bunday turlar davomida asosan Samarqand, Buxoro va Xivadagi 
ob’yektlarga tashrif buyuriladi. Respublikamizda hammasi bo'lib 30 ga yaqin turlar 
taklif etiladiki, ularning ichida Toshkent va Farg’ona vodiysida amalga oshiriluvchi 

---

122 
ko'ngilochar, sarguzasht, ov, dam olish – davolanish, tog’-chang’i va golf sporti bilan 
shug’ullanish turlari ham mavjud. 
O’zbekiston Respublikasi Davlat statistika qo’mitasining ma’lumot berishida 
2016-yilning yakuni bo’yicha, O’zbekistonda mehmonxona va shunga o’xshash 
joylashtirish vositalari (obyektlar) soni 750 ta tashkil etmoqda. Shulardan, joylar 
soni, birlik hisobida 37795 ta bo’lsa, joylashtirilgan tashrif buyuruvchilar, ming 
kishida hisobidan esa 1513.1 tadir. Shundan, Buxoro mintaqasida litsenziyaga ega 
mehmonxonalar soni 2017 yilning II chorakgidagi yakunga ko’ra 94 tani tashkil 
etmoqda.[2] Bu ko’rsatgichning kamligi esa chetdan keladigan sayohlar oqimini 
oshishiga olib kelishiga to’sqinlik qilmoqda. Ushbu kam sonli mehmonxonalar sonini 
yanada oshirish maqsadida O‘zbekiston Prezidenti Shavkat Mirziyoyev raisligida 27-
fevral kuni bo‘lib o‘tgan videoselektor yig‘ilishida esa hududlarda zarur 
infratuzilmalarni yaratish, IT-texnologiyalarni joriy etib, yangi xizmatlarni tatbiq 
etish, yirik shaharlarimizda 100 tadan, boshqa shaharlarimizda 20 tadan