«Mahalliy xomashyolar va ikkilamchi resurslar asosida innovatsion texnologiyalar»

Фойдаланилган адабиётлар 
1. 
A.B.Parmanov, S.E.Nurmanov, Beata Kolesinsko, Tomash Maniecki, O.E.Ziyadullayev. 
Homogeneous vinylation of 2-hydroxy-2-phenylethanical acid // Azerbaijan chemical journal. –
Azerbaijan, -2019, № 4. P. 32-34. (Springer). 
2. 
Парманов А.Б.,
Нурмонов С.Э., Колесинска Б, Хандамов Б.Н. Синтез виниловых 
эфиров ароматических карбоновых кислот // XXI Менделеевский съезд по общей и 
прикладной химии. Меж. конф. Петербург, Россия-2019. 9-13 сентября. С. 259. 

---

162 
ТАБИИЙ ГАЗ МАҲСУЛОТЛАРИ АСОСИДА ИЗО-ГЕКСАНОЛ 
СИНТЕЗИГА РЕАКЦИЯ ВАҚТИ ТАЪСИРИНИ ЎРГАНИШ 
Ж.Ў.Абдуллаев, С.Э.Нурманов, А.Б.Парманов, А.Ҳ.Носиров 
Миро Улуғбек номидаги Ўзбекистон Миллий университети 
Табиий газни қайта ишлаш маҳсулотлари ичида этилен ишлаб чиқариш 
муҳим ўринни эгаллайди. Бу жараёнда хомашё сифатида этандан тортиб 
газойлгача бўлган турли хилдаги углеводородлардан фойдаланилади. Олинган 
этиленнинг кўп қисми полиэтилен ишлаб чиқариш учун ишлатилади. Аммо, 
этилен асосида янада кўплаб турли хилдаги мураккаб бирикмаларни, жумладан, 
қимматбаҳо олефинлар, циклоалканлар, техник ювиш воситалари, флотация 
реагентлари, синтетик ёғ кислоталар ва алифатик спиртларни синтез қилиш 
мумкин [1].
Тўйинган бир атомли спиртлар синтези саноат миқёсида катта амалий 
аҳамиятга эга. Масалан: C
6
-C
11
спиртлари асосан пластификаторлар сифатида 
ишлатилади, масалан поливинилхлорид синтезида, гексанол-1 эритувчи 
сифатида, парфюмерия саноати учун асосий материал, пластификаторлар 
ишлаб чиқаришда (одатда юқори нормал спиртлар билан аралашмаси), 
гексанол-1 нитратлари ёқилғиларни цетан сонини яхшилашда тавсия этилади 
[2]. Изо-гексанол асосан эритувчи ва бошқа кимёвий моддаларни ишлаб 
чиқаришда оралиқ маҳсулот сифатида ишлатилади [2, 4]. Октил спирти 
изомерлари пластификаторлар, сирт фаол моддалар, парфюмер-композициялар 
ишлаб чиқаришда қўлланилади [3]. Октанол-1 эса каприл спирти номи билан 
озиқ-овқат эссенцияларининг таркибий қисми сифатида ва парфюмерия 
саноатида ишлатилади. Октанол-2 бўёқ саноатида эритувчи, тўқимачилик 
саноатида намловчи восита ва тормоз суюқликларининг таркибий қисми 
сифатида ишлатилади. Юқори спиртлар (C
12
-C
18
) ювиш воситалари сифатида 
фойдаланилади [4]. Децил, ундецил, додецил (лаурил), тридецил ва тетрадецил 
спиртлар эса анион актив ва ноионик сирт фаол моддалар, флотореагентлар 
ишлаб чиқаришда хомашё сифатида амалий аҳамиятга эга [3, 5].
Республикамизда алифатик спиртлардан метил ва этил спиртлари саноат 
миқёсида ишлаб чиқарилади, лекин турли соҳалар учун зарур бўлган бошқа 
алифатик спиртлар ишлаб чиқарилмайди. Уларга бўлган эҳтиёж импорт эвазига 
қопланади. Ушбу спиртларни республикамизда маҳаллий хом ашёлар асосида 
ишлаб чиқаришни йўлга қўйиш имкониятлари мавжуд. 
Саноат учун зарур спиртларни ишлаб чиқаришнинг ноанъанавий 
усулларидан бири теломерланиш жараёни орқали кичик молекуляр 
спиртлардан юқори спиртлар олиш ҳисобланади. Теломерланиш X-Y (телоген) 
бирикманинг икки бўлаги орасига М мономернинг такрорланувчи фрагментини 
киритишдан иборат занжирли реакция бўлиб, натижада гомологик теломерлар 
Х-М
n
-Y (n=2-40) тўплами юзага келади. Теломерланишда мономер сифатида 
кўпинча тўйинмаган бирикмалардан фойдаланилади. Тўйинган спиртлар ва 
этилен орасидаги реакция эркин радикал теломерланиш механизми асосида 
боради. Бу жараёнда ўсаётган радикал гомолитик қайта гуруҳланиши ҳисобига 

---

163 
теломернинг углерод занжирида тармоқланишни юзага келтиради. Зарур 
маҳсулот синтези учун реактивлар концентрациясини, босимни, ҳароратни ва 
инициаторни танлаш орқали жараённи оптималлаштириш мумкин [6]. 
Синтез жараёни юқори босимли герметик реакторда олиб борилди. 
Жараёнда этил спирти телоген, этилен эса мономер вазифасини бажаради. 
Реакция 55 атм. босим, 60 °С ҳароратда 2 - 8 соат оралиғида ўрганилди. Бунда 
реакция вақти 2 соатдан 6 соатгача узайтирилганда маҳсулот унуми ошиб 
борди. Реакция вақтини 6 соатдан оширилиши махсулот унумининг нисбатан 
пасайишига сабаб бўлди. Демак изо-гексанол синтези учун мақбул реакция 
давомийлиги 6 соат этиб белгиланди (расм). 
1-расм. Изо-гексанол унумига реакция вақти таъсири. 
Хулоса сифатида айтиш мумкинки, этилен ва этанол асосида изо-
гексанол синтези амалга оширилди, махсулот унумига реакция давомийлиги 
таъсири ўрганилди ва мақбул реакция вақти 6 соат эканлаги аниқланди, 
маҳсулот тузилиши хромато-масс, Раман ва ИҚ-спектрлари ёрдамида 
исботланди.