Раҳмонов Улуғбек Каримович

 
 
 
 

---

35 
Лад ва тонликлар 
Режа:
1. Лад ва тонликларнинг мусиқа ижросидаги ўрни.
2. Лад ва тонликларни ўрганишнинг ахамияти. 
Мусика асарларини эшитганда ёки ижро этганда улардан ҳосил 
бўлган товушларнинг ўзаро муносабатда эканлигини кўрамиз. Бу ҳол 
биринчи навбатда, музиканинг, хусусан куйнинг ривожланиш 
жараёнида ўз ифодасини топади. Бунда айрим товушлар, барча 
товушлар орасидан ажралиб, таянч товушлар хар хусусиятига эга 
бўлади. Одатда, куй мана шу таянч товушларнинг бирортасида 
тугалланади.
Масалан: 
Бу мисолнинг биринчи қисмида таянч товушлар соль билан до 
бўлиб, иккинчи қисмида эса ми билан до товушларидир. 
Таянч товушлар турғун товушлар деб юритилади. Таянч 
товушларнинг ана
шундай деб аталиши уларнинг хусусиятига мосдир, чунки таянч 
товушда тугалланган куй эшитувчида тинчлик ва турғунлик 
таассуротини қолдиради.
Одатда, турғун товушлардан бирортаси бошқаларига қараганда 
кескин ажралиб туради ва асосий таянч вазифасини бажаради. Бу 
хилдаги турғун товуш тоника деб аталади. 
Юқорида келтирилган мисолда до товуши тоника ҳисобланади. 
Куйнинг умумий йўналишини шакллантиришда иштирок 
этадиган бошқа товушлар турғун товушларга нисбатан анча кучсиз 
бўлиб эшитилади. Шунинг учун уларга нотурғун товушлар дейилади. 
Нотурғун товушлар турғун товушларга интиладилар. Тургун 
товушларга томон тортилиш ҳолати Секунда оралиғидаги нотурғун 
товушлар учун жуда мухимдир. 
Масалан:

---

36 
Бу мисолда кўрсатилган соль, ми, ва до (уларнинг тагига > белги 
қўйилган) турғун таянч товушларга киради, нотурғун товушлар эса 
бу товушларга қуйидаги тартибда тотилади: соль, товушига ля, ми, 
товушига фа ва до товушига ре тортилади. До товуши мазкур 
куйнинг тоникаси ҳисобланади.
Нотурғун товушларнинг турғун товушларга ўтиши товушлар 
ечилиши деб аталади. Юқоридаги кўрсатма мисол бўла олади.
Турғун ва нотурғун товушларнинг ўзаро муносабати тузилиши 
лад дейилади.
Бирон куй ёки мусиқавий асар маълум бир ладга асосланади. Лад 
мусиқа товушларини баландлик муносабатини тартибга келтиради ва 
мусиқани бошқа ифода воситалари билан бирга унинг мазмунига мос 
келадиган маъмул бир хусусиятни яратиб беради.