Jumanazar Khushbakov натуральный русский

Bu metodlar til o‘rganishda kerak bo‘lmaydi deb o‘ylagandingizmi? 
 
Chet tilini o‘rganish uchun darsdan tashqari maxsus o‘quv kurslariga borib yurganlar eski 
metodlardan foydalangani uchun gaplashayotganida xato qilishdan qo‘rqib asabiylashadilar. 
Natijada yodlagan so‘zlaridan jonli suhbatlarda foydalana olmaydi. 
Ushbu kitobimda men ruhiy hayajonni yo‘qotib, rus tilida tez, ishonch bilan, osongina hamda 
avtomatik tarzda gapirishga o‘rgataman. 
Keling, biroz shu to‘g‘risida ham gaplashamiz.
Mening sevimli ustozlarimdan biri Toni Robinsning aytishicha, xohlagan sohada 
muvaffaqiyat 80 foiz siz o‘zingizni qanday his qilishingizga, 20 foiz esa bu ishning texnikasini qay 
darajada bilishingizga bog‘liq. Ya’ni chet tilini o‘rganishda 80 foiz muvaffaqiyat bu so‘zlashuv 
payti o‘zingizni qanday his qilayotganingiz, 20 foiz esa qanday kitoblardan 

---

foydalanayotganingiz, maktabingiz, o‘qituvchingiz, o‘quv xonasi, sharoitlari va hokazolar 
natijasi ekan. 
Keling, muhim jihatlarga birma-bir to‘xtab o‘tay:
1. Vujud 
2. Hissiyot 
 
Vujud 
 
Savol beraman, siz esa kitobni o‘qish davomida savollarga javob bering.
Tassavur qiling, mandat kuni. Bir yigit imtihondan o‘tib universitetga qabul qilindi. 
Natijalarga ko‘ra, u o‘zining qattiq mehnatlari evaziga davlat granti asosida o‘qishga kirdi. Endi 
javob berishingiz kerak bo‘lgan savollar: 
U g‘olib insonga o‘xshab yuradimi yoki mag‘lubga? 
U ishonch bilan nafas oladimi yoki qo‘rqib? 
U qomatini tik tutib yuradimi yoki egilib? 
U boshqalarga kulib qarab, xushmuomala bo‘ladimi yoki qo‘pollik qiladimi? 
U yigitning chehrasi tabassumlimi yoki alamli? 
U yaxshi narsalar haqida o‘ylaydimi yoki muammolar haqidami? 
U yoqdan bu yoqqa yurib quvonadimi yoki bir joyda turadimi? 
Kayfiyati yaxshi bo‘ladimi yoki yomon? 
Demak, g‘olib inson qanday bo‘lishini bilib oldingiz. Lekin siz bu inson g‘alabaga erishgach 
shunday holatga keldi-ku deyishingiz mumkin. Yo‘q, unday emas. U g‘alabaga intilayotganda, 
mehnat qilayotganda ham xuddi shunday ahvolda bo‘lgan. Ya’ni imtihon paytida ham, 
imtihonlarga tayyorlanishda ham yuqori kayfiyatda bo‘lgan, qo‘rqib nafas olmagan. G‘alaba 
niyat va kayfiyatga bog‘liqligini o‘tkazilgan yuzlab tadqiqotlar allaqachon isbotlab bergan. 
Ba’zan til o‘rganish payti yaxshi kayfiyatda bo‘lgingiz keladi-yu, lekin bunga erisholmaysiz, 
to‘g‘rimi? Siz; «O‘zimni yaxshi his qilishim kerak», – deysiz-u, lekin shu gapning o‘zi bilan ish 
bitmaydi. Men bir zumda yordam beradigan oson va juda kuchli mashqlarni o‘rgataman.