Cover page obzor iqtisodiy-last 7B. cdr

1-боб. Шартномаларни тузиШ, ўзгартириШ, бекор қилиШ ва уларни
ҳақиқий эмас деб топиШ билан боғлиқ иШлар бўйича суд амалиёти
11
Ўзбекистон Республикаси Вазирлар Маҳкамасининг 2000 йил
24 январдаги 22-сонли қарори билан тасдиқланган “кўп квартирали 
уйлардаги яшаш учун мўлжалланмаган жойлардан фойдаланиш 
тартиби тўғрисида”ги низом 7-бандининг з-кичик бандига кўра 
яшаш учун мўлжалланмаган жойнинг мулкдори (арендага олувчи, 
ижарага олувчи) ўзига тегишли жойга техник хизмат кўрсатиш, 
кўп квартирали уйлардаги умумий фойдаланиладиган жойларни 
сақлаш ва таъмирлаш, коммунал хизматлар бўйича харажатларни 
шартномада ва амалдаги қонун ҳужжатларида белгиланган тартибда 
ва муддатларда тўлашга мажбурдир .
“Хусусий уй-жой мулкдорларининг ширкатлари тўғрисида”ги 
Ўзбекистон Республикаси Қонуни 6-моддасининг бешинчи ва олтинчи 
қисмларига мувофиқ ширкатнинг кўп квартирали уйдаги яшаш учун 
мўлжалланмаган жой мулкдори билан муносабатлари улар ўртасида 
мажбурий тартибда тузиладиган шартнома билан тартибга солинади . 
кўп квартирали уйдаги яшаш учун мўлжалланмаган жой мулкдори 
шартнома тузишдан бўйин товлаган тақдирда, ширкат шартнома 
тузишга мажбурлаш тўғрисидаги талаб билан судга мурожаат этишга 
ҳақли .
Ўзбекистон Республикаси Олий хўжалик суди Пленумининг 
“Хўжалик шартномаларини тузиш, ўзгартириш ва бекор қилишни 
тартибга солувчи фуқаролик қонун ҳужжатлари нормаларини 
қўллашнинг айрим масалалари тўғрисида” 2009 йил 18 декабрдаги 
203-сонли қарори 12-бандининг биринчи хатбошисида шартнома 
тузиши мажбурий бўлган тараф уни тузишдан бўйин товлаган 
ҳолда, бошқа тараф шартнома тузишга мажбурлаш ҳақидаги талаб 
билан судга мурожаат қилишга ҳақли эканлиги ҳақида тушунтириш 
берилган .
Шу боис иқтисодий ишлар бўйича судлов ҳайъати (бундан буён 
матнда “Ҳайъат” деб юритилади) ҳал қилув қарорини ўзгаришсиз 
қолдиришни лозим топган .

---