Kartografiya va geovizuallashtirish

Geoinformatsion kartalashtirish – GAT va kartografik ma‘lumotlar bazasi 
hamda  bilimlari  asosida  avtomatik  ravishda  kartalarni  tuzish  va  ulardan 
foydalanishdir.  Geo-informatsion  kartaga  olishning  asosiy  maqsadi  geotizimlarni 
ma‘lumotnomali-kartografik modellashtirish hisoblanadi.  
Geoinformatsion  kartalashtirish  sohaviy,  kompleks,  analitik  va  sintetik 
yo‗nalishlarda  bo‗lishi  mumkin.  Qabul  qilingan  tasnifga  ko‗ra  geoinformatsion 
kartalashtirish  bir  qancha  mavzuli  yo‗nalishlarga  bo‗linadi:  sotsial-iqtisodiy, 
ekologik, baholash va h.k. Bunday yo‗nalishlarning kelib chiqishiga kompleks va 
tizimli  kartalashtirish  sabab  bo‗ldi,  chunki  bunday  kartalashtirishda  geotizimlar 
mutlaq deb qaraldi va geotizimlarning elementlarini, bog‗liqliklarini, dinamikasini, 
rivojlanishini to‗liq tasvirlashga harakat qilindi. 

---

 
 
40 
Boshqacha  qilib  aytganda,  geoinformatsion  kartalashtirish  yangi 
geoinformatsion  muhitda  rivojlanib  kelayotgan  kompleks,  sintetik  va  tizimli 
kartalashtirishdir. 
Bunday kartalashtirishning xususiyatlari quyidagilardir:  
•  yuqori  darajali  avtomatlashganlik,  raqamli  kartografik  ma‘lumotlar 
bazasiga va geografik bilimlar manbaiga tayanganlik;  
• geotizimlarni tasvirlashda va tahlil qilishda tizimli yondashish; 
• kartalarni yaratish va ulardan foydalanish ishlarida bog‗liqlik;  
•  kartalarni  zamon  talabiga  mos  holda  tuzish  ,  bu  ishlarda  zondlash 
ma‘lumotlaridan keng foydalanish; 
•  ko‗pvariantlilik,  ya‘ni    holatlarni  turli  tomonlama  baholashni  yo‗lga 
qo‗yish va qarorlarning qabul printsiplarini ko‗paytirish; 
•  ko‗pmuhitlilik  (multimediynost),  tasvirli,  matnli,  ovozli  tasvirlashlarni 
qo‗llash; 
• kompyuter dizayni va yangi grafik tasvirlash usullarini qo‗llash; 
•  yangi  turdagi  va  ko‗rinishdagi  tasvirlarni  yaratish  (elektron  kartalar,  uch 
o‗lchamli modellar, kadrli kartalar va h.k.). 
Demak,  geoinformatsion  kartalashtirish  –  bu  dasturiy  boshqariladigan 
kartalashtirishdir.  U  o‗zida  masofadan  zondlash,  kosmik  kartalashtirish, 
kartografik  tadqiqot  usuli  va  matematik-kartografik  modellashtirish  yutuqlarini 
mujassamlaydi.