Qadam yangi 2 кирилл indd

Пьер Корнел

---

126 С
Х
балки юриш ҳам бир қадар қийин бўлган қумли 
майдонларда югуриб, тўп тепишга ўрганган 
футболчилар, чимли майдонларда қушдек ен-
гил ҳаракат қилишади.
Қийинчиликлар ҳаётингиздаги муҳим ва 
қадр ли босқичдир. Муаммо ва ташвишлардан 
хулоса қилишни эпласангиз, қийинчиликлар сиз 
учун доно муаллим кабидир. Қийинчиликдан 
хулоса чиқаролмасангиз, у сиз учун доим сизни 
дўппослайдиган, лекин сиз ҳеч нарса ўрганмай-
диган ўқитувчига айланади. Ачинарлиси, сиз 
ҳар сафар ўша дарсга киришни хоҳламайсиз. 
Билимдон бир дурадгор бўлган экан. Унга 
доим ҳамма нарсадан шикоят қилиб юрадиган 
йигит шогирд тушибди. Шогирд ҳар қадамда, 
ҳатто арзимас майда муаммолардан ҳам но-
лийверар экан. Ҳаёт у учун гўё бахтсизлик, 
ташвиш ва муаммолардан иборат эди.
Бир куни дурадгор шогирдини бозорга туз 
сотиб олиш учун юборибди. Одатдагидек, шо-
гирд бу ишни минғирлаб-тўнғиллаб бажариб-
ди.
Дурадгор туздан бир ҳовуч олиб бир пиёла 
сувга солиб аралаштирибди. Кейин шогирдига 
қараб:
– Энди бу сувни ичинг, – дебди.

---

127
Қ
Шогирд ҳайрон қолибди. Қандай қилиб бир 
пиёла туз солинган сувни ичсин? Аммо устози-
га бўлган ҳурмати учун пиёладаги сувдан бир 
ҳўплаб қўйибди.
– Хўш, мазаси қандай экан? – сўрабди дурад-
гор.
– Жуда шўр, – дея жавоб берибди шогирд.
Дурадгор жилмайганча шогирдини булоқ 
бўйига олиб борибди. Бир ҳовуч тузни булоққа 
ташлаб, шогирдига ундан сув ичишини бую-
рибди. Шогирд булоқ сувидан чанқоғини қон-
дирганича ичибди.
– Бу сувнинг мазаси қандай? – деб сўрабди 
дурадгор.
– Жуда ёқимли, – дебди шогирд.
– Тузнинг мазаси келдими? – дебди дурадгор.
– Йўқ,умуман туз таъмини ҳис қилмадим, – 
дебди шогирд. 
Шунда дурадгор шогирдига ҳеч қачон унут-
майдиган сабоқни берибди:
– Ҳаётимиздаги муаммолар тузга ўхшайди. 
Оз ҳам, кўп ҳам эмас. Ташвишлар миқдори ҳар 
доим бир хил. Фақат уни қабул қила олишни 
билиш лозим. Муаммо ва қайғулар қаршисида 
кўнглингни кенг қил. Пиёла бўлишдан воз кеч 
ва булоқ бўлишга ҳаракат қил. Ана шунда му-
аммоларинг орқасидан келадиган чиройли на-
тижаларни кўрасан.

---

128 С
Х
Фарзандни 
қийин-
чиликлардан қўрқмас, 
матонатли ва чидамли 
қилиб тарбиялаш ота- 
оналарнинг муҳим ва-
зифаларидан биридир. 
Нима деб ўйлайсиз, бу-
гунги кунда катта ҳаёт 
давомида турли синовлардан ўтиш учун фар-
зандларда иродали руҳият шакллантириляпти-
ми?
Биз – болажон халқмиз. Бу билан фахрлана-
миз. Аслида эса фарзандларимизда иродали 
ва чидамли руҳият шаклланиши йўлида айнан 
шу сифатимиз тўсқинлик қилади. Болам деб, 
кичикликдан фарзандларимизни қошиқ билан 
ўзимиз овқатлантириб, олийгоҳда ўқишидан то 
ишга киргунича ёрдам бериб, уй-жойидан то 
уйланишигача таъминлаб берамиз.
Ўйлаб кўринг, балки ривожланган давлатлар-
да фарзандлардаги ўз-ўзини эплаш кўникмаси 
сабабли улар барча соҳада янада юқорилаб бо-
раётгандир?
Атрофга қарасангиз, болалигидан қийинчи-
лик билан улғайган инсонлар бугун ҳаётда юқо-
ри мавқеда эканлигини кўрасиз. Бошқаларга 
нисбатан эришган ютуқлари кўпроқ уларнинг.
Ф а р з а н д и н г и з -
ни 
ҳар 
нарсадан 
асраб-авайласангиз, 
у оддий қийинчилик-
ни ҳам енгишга ожиз 
бўлиб қолади.