Мойдинова эльмира камариддиновна

 
 

---

102 
3.2. Мактабгача таълим муассасаларида олиб борилган тажриба-синов 
натижалари ва унинг самарадорлиги 
Мактабгача таълим муассасаси болаларнинг соғлом ва баркамол шахс 
бўлиб улғайишларига, ўқишга нисбатан ҳавасларини уйғотишга туртки 
бўлиб, мунтазам равишда таълим олишларига имкон яратади. Шундай экан, 
тажриба-синов ишларининг асосий мақсади МТМ тарбияланувчиларига 
инглиз тилини дидактик ўйинлар ва ахборот коммуникация технологиялари 
ѐрдамида, хусусан, биз таклиф этаѐтган методика асосида ўқитишнинг 
самарадорлик даражасини аниқлаш эди. Мазкур тадқиқот уч босқичда амалга 
оширилди: 
Биринчи босқичда мактабгача таълим соҳасидаги ҳужжатлар 
ўрганилди, инглиз тили ўқув фанидан амалда бўлган ва амал қилаѐтган 
дастур ва дарсликлар қиѐсий таҳлил этилди, тажриба-синов материаллари 
тайѐрланди, тажриба ўтказиладиган мактабгача таълим муассасаси, гуруҳлар, 
тарбияланувчилар сони белгиланди. Тажриба Тошкент вилояти Чирчиқ 
шаҳри 35-сон ―Баҳор‖ номли мактабгача таълим муассасасида ўтказилиши 
мўлжалланди. Мазкур босқичда тажриба-синов ишларини амалга оширишга 
хизмат қиладиган махсус дастур тузилди. Шу давр мобайнида тадқиқ 
этилаѐтган муаммо бўйича 60 та тарбияланувчи, жумладан 20 та тарбиячи 
тажриба-синов ишлари бўйича қамраб олинди. Тарбиячиларнинг инглиз тили 
машғулотлари кузатилди, болаларга инглиз тилини ўргатиш методикаси 
бўйича мутахассислар билан суҳбат ва сўровнома ўтказилди. Сўровномада 
жами 20 та педагог иштирок этди. 
Сўровнома қуйидаги саволлардан ташкил топди: 
1. 
Бугунги кунда мактабгача таълим муассасаси гуруҳларида инглиз 
тили машғулотларининг самарадорлиги қай даражада деб ўйлайсиз? 
2. 
Инглиз 
тили 
таълими 
мазмунини 
бойитиш, 
тарбияланувчиларнинг 
инглиз 
тили 
бўйича 
билиш 
фаолиятини 
такомиллаштириш учун қандай методлардан фойдаланиш керак? 

---

103