O‘zbekiston respublikasi oliy va o‘rta maxsus ta’lim vazirligi issn 2181-4732

 
Innovatsion texnologiyalar №1 (29) 2018 y.
78 
_________________AXBOROTLAR/ИНФОРМАЦИИ__________________
рамига қарши курашиш, ҳокимиятнинг халқдан узоқлашиши ва шу кабилар ҳам
ақидапарастларнинг оёққа туриб олишига ёрдам берди. 
Энди улар ҳанафий мазҳаб билан олиб борилаётган мунозора ва даҳанаки жанглардан 
очиқ қаршилик ва зўрлик ишлатиш йўлига ўтдилар. 80-йилларнинг охиридаёқ улар ҳанафий
мазҳабига мансуб мусулмонлар масжидларини зўрлик билан тортиб ола бошладилар. Бундай 
ҳоллар Андижон, Наманган, Марғилон, Қўқон, Тошкент шаҳарларида юз берди. Баъзи 
жойларда эса давлат корхоналари ва муассасалари жойлашган бино ва ҳудудларни ҳам 
тўлалигича ёки қисман эгаллаб олдилар. Масалан, Андижон шаҳрида улар Адабиёт музейи 
биноси ва ҳудудларни ҳам тўлалигича, тикувчилик фабрикаси биноси ва ҳудудининг бир 
қисмини олиб қўйдилар. 
1991 йил 9-декабрида ақидапарст гуруҳлар Наманган шаҳрида собиқ вилоят партия
қўмитасининг биносини зўрлик билан эгаллаб олдилар. Улар бу бинода “Ислом маркази” 
тузмоқчи бўлдилар. 
Белгилаб олинган мақсадга эришиш учун фақат оғзаки тарғибот олиб борилмай, 
ташкилий ишларни бажаришга ҳам киришилди. “Адолат” ва “Ислом лашкарлари” гуруҳлари 
тузилди. Бу гуруҳлар бир қатор тадбирларни амалга ошириб, аҳоли кўз ўнгида обрўларини 
оширишга эришдилар. Жумладан, улар маълум идораларда ишлайдиган 1-2 порахўрни
фош қилишда, савдо тизимидаги камёб молларни яшириб сотиш, белгиланган нархлар 
устига қўшимча нарх қўйиб сотиш каби иллатларни очишда қатнашиб, соддадил одамлар 
ҳурматига ҳам сазавор бўлдилар. Баъзи қишлоқларда “Адолат” ва “Ислом лашкарлари” 
аъзолари жамоа хўжалиги ерларини одамларга бўлиб бериб, ўзларини ҳалқпарвар қилиб
кўрсатмоқчи бўлдилар. Худди шундай мақсадда бир неча бузуқ эркак ва аёллар ҳам фош 
этилди. Аслида “Адолат” ҳам, “Ислом лашкарлари” ҳам жиноятчиликка қарши эмас, балки 
айнан жиноятчи гуруҳлар эди. 
Зўравонлик йўлини фақат оддий ақидапарастлар эмас, уларнинг имомлари ҳам
маъқуллайдилар. Чортоқ туманидаги масжидлардан бирида имом бўлиб ишлаган Абдували 
Йўлдошев куппа-кундуз куни Наманган шоҳ бекати олдида икки милиция ходимини отиб 
ўлдиради. Ақидапарастларнинг имоми одам ўлдириб турса, унинг издошлари нима
қилишини кўз олдига келтириш қийин эмас.