Microsoft Word 05 Kishlok xujalik mahsulotlar sifati va marketingi

Taqsimlash  (joylashtirish  kanallari).  Taqsimlash  (sotish)  kanallarining  amal  qilishi  ishlab 
chiqaruvchi korxona erkin almashinish talablari va isteʻmolchilar umididan kelib chiqadigan hamma 
majburiyatlar  va  funksiyalarni  oʻz  boʻyniga  ololmasligi  bilan  shartlanadi.  Zamonaviy  texnika  va 
axborot tizimlari ishlab chiqaruvchilar va isteʻmolchilarni yaqinlashtirsa ham, biroq bu bogʻlanishlar 
turlicha murakkab. Shuning uchun obyektiv ravishda vositachilarni jalb qilish zarurati paydo boʻladi. 
Vositachilar  yordamiga  murojaat  qilish  oʻz  navbatida  korxona  uchun  tovar  harakati  va  xizmat 
koʻrsatish jarayonining maʻlum elementlari ustidan nazoratni yoʻqotish tushuniladi. Korxona uchun 
taqsimlash tarmoqlarini tanlash (sotish tarmogʻi) — bu maqsadli segment isteʻmolchilarining shaxsiy 
maqsadlari  va  talablari  bilan  bogʻlangan  strategik  yechim.  Har  qanday  taqsimlash  tarmogʻi 
almashinishni amalga oshirish uchun zarur bulgan funksiyalar kompleksini bajaradi. 
Insonlar.  Korxona  ishga  malakali  odamlarni  qabul  qilishga  intilishi  kerak.  Malakali  xodim 
samaraliroq, unumliroq ishlaydi, shuning uchun yuqoriroq natijaga erishadi. Eng asosiysi insonlardan 
qanday  foydalanilayotganligidir.  Turli  xil  muammolarni  yechish  uchun  aniq  tavsiyalar  paydo 
boʻladigan «aql janglari» juda samaralidir. Xodimlar qanday funksiyalarni bajarishini va u yoki bu 
jarayonlarning  qanday  usullar  bilan  amalga  oshirilishini  bilish  ham  ancha  muhimdir.  Marketing 
strategiyasida asosiy narsa isteʻmolchi va uning tovardan foydalanish qobiliyati boʻlganligi sababli 
uning harakteristikasi alohida ahamiyat kasb etadi.