Мухаммадиева Дилафруз Ахтамовна Сравнительное исследование

Диссертация тадқиқотининг диссертация бажарилган олий таълим 
муассасаси илмий-тадқиқот ишлари режалари билан боғлиқлиги. 
Диссертация Алишер Навоий номидаги Тошкент давлат ўзбек тили ва 
адабиѐти университети №014-сон илмий тадқиқот ишларининг «Тилнинг 
ижтимоий, тарихий ва замонавий тараққиѐти» мавзуси доирасида 
бажарилган. 
Тадқиқотнинг мақсади «Бобурнома»даги паремияларнинг туркча 
матнда қандай акс этганлигини аниқлаш, уларни таржима қилиш жараѐнида 
миллий колоритнинг ифодаланиши, сўздаги шакл ва мазмун, асл матнни 
англаш, уни таржимада тўғри акс эттиришга оид таклиф ва тавсиялар ишлаб 
чиқишдан иборат. 
Тадқиқотнинг вазифалари. Тадқиқот олдига қўйилган вазифалар 
қуйидагилардан иборат: 
«Бобурнома»даги паремияларнинг статистик кўрсаткичларини аниқлаш, 
паремияларни тавсифлаш, хусусиятларини ѐритиш, таржима жараѐнидаги 
ўзига хослик тамойилларини асослаш; 
мақол, матал ва афоризмлар таржимасидаги ўзига хос жиҳатларни 
ўрганиш, таҳлил қилиш, таржимани асл бирламчи матн билан қиѐслаш 
орқали таржимоннинг ютуқ ва камчиликларини кўрсатиб бериш; 
фраземаларни семантик ва структур жиҳатдан таҳлил қилиш, шакл ва 
мазмун мутаносиблигига эътибор қаратиш, семаларнинг таржимада акс этиш 
даражасини аниқлаш ва турк тилига таржима қилиш тамойилларини 
белгилаш; 
«Бобурнома»нинг ўзбекча ва туркча матнининг хос хусусиятлари, 
жумладан, ушбу матнда келтирилган паремик бирликлар ҳақида илмий
хулосалар ишлаб чиқиш. 
Тадқиқотнинг объекти «Бобурнома»нинг ўзбекча ва туркча матнида 
қўлланилган паремик бирликлар: мақол, матал, афоризм ва фраземалар 
танланган. 
Тадқиқотнинг предмети «Бобурнома»даги паремияларнинг туркча 
матнда ифодаланиш семантик ва стилистик хусусиятлари ташкил этади. 
Тадқиқотнинг усуллари. Тадқиқотда тавсифий, қиѐсий-тарихий ва 
статистик таҳлил усулларидан фойдаланилган.