Мундарижа банк иши

РАҚАМЛИ ИҚТИСОДИЁТГА ЎТИШ ДАВРИДА КОРХОНА ТАВАККАЛЧИЛИГИНИ 
БОШҚАРИШДА АУДИТНИНГ ЎРНИ 
 
Эрматов А.А. 
Фарғона политехника институти 
 
Аннотация: Мақолада рақамли иқтисодиётга ўтиш шароитида корхоналарни 
бошқариш таваккалчилигида аудит ва ички аудит хизматининг ўрни, уларни ташкил 
этиш ва юритиш жараёнида йўл қўйиладиган одатий хатолик турлари ҳамда уларни 
бартараф этиш йўллари бўйича тавсиялар келтирилган. 
 
Калит сўзлар: аудит, ички аудит, таваккалчилик, тадбиркорлик субъектлари 
фаолиятида таваккалчиликни бошқариш. 
1. Кириш 
Республикамизда олиб борилаётган ислохотлар натижасида, турли мулкчиликка 
асосланган бозор иқтисодиёти шароитида тадбиркорлик субъектларининг ўзаро 
ишончли ҳамкорлик қила олишлари учун етарлича имкониятларни яратиш мақсадида 
молиявий ҳисоботларда акс эттирилаётган маълумотларнинг ҳаққонийлигини 
таъминлаш чоралари ишлаб чиқилиб, ҳаётга тадбиқ этилмоқда. Тадбиркорлик 
субъектларининг истеъмол қилаётган ахборот ва тақдим этаётган ҳисоботларидаги 
маълумотларнинг ҳаққонийлигини таъминлаш учун ташкил этилган аудит хизматининг 
бугунги кунда корхона ва ташкилотларни самарали бошқаришдаги ўрни ва аҳамияти 
янада ортиб бормоқда. 
Корпоратив бошқарув шароитида умумий камчиликларни аниқлаш асосида ички 
аудиторлар 
ўз 
ташкилотларига 
тадбиркорлик 
мақсадларига 
эришиш 
ва 
мулкдорларининг манфаатларига мос фаолиятни амалга ошириши учун ёрдам бериши 
мумкин. Аудиторлик хизматлари корхонада мавжуд таваккалчиликларни аниқлаш ва 
уларни бартараф этиш асосида фаолият жараёнида юзага чиқиш эҳтимоллиги бўлган 
муаммоларнинг олдини олишда алоҳида аҳамиятга эга хизмат тури ҳисобланади. Бу 
жараённинг амалга ошириш босқичлари қуйидаги 1-чизмада келтирилган кетма-кетлик 
асосида амалга оширилади.