Мундарижа банк иши

5. Миноритар акциядорларни ҳимоя қилиш тизимини такомиллаштириш 
Республикамизда акцияларни бирламчи (IPO) ва иккиламчи (SPO) оммавий 
таклиф этиш амалиётининг ривожланиши миноритар акциядорлар сонининг ортишига 
хизмат қилмоқда. Айни пайтда, миноритар акциядорларнинг хўжалик жамиятлари 
бошқарувидаги ролини ошириш зарурати мавжуд. Хусусан, акциядорлик жамиятларида 
миноритар акциядорлар қўмитасини тузиш амалиёти оммалашмасдан қолмоқда. Бу 
мақсадда, миноритар акциядорлар қўмитаси аъзолигига сайлов тартибини қайта кўриб 
чиқиш, хусусан, кузатув кенгашига номзод кўрсатган, бироқ номзодлари кузатув 
кенгашига сайланмаган акциядорларнинг миноритар акциядорлар қўмитаси аъзоларини 
сайлаш жараёнида иштирок этишини таъминлашга доир тузатишлар талаб этилади. 
Миноритар акциядорларнинг жамият бошқарувидаги ролини ошириш мақсадида 
акциядорлар умумий йиғилиши кун тартибидаги масалалар юзасидан умумий 
позицияни шакллантириш учун ҳуқуқий асос вазифасини ўтовчи “Акциядорлик 
келишувларини 
тузиш 
тартиби 
тўғрисида”ги 
Низом 
ишлаб 
чиқилиши 
ва 
оммалаштирилиши зарур. 
Ўзбекистон Республикаси Президентининг 2019 йил 5 февралдаги “Жаҳон банки 
ва Халқаро молия корпорациясининг «бизнес юритиш» йиллик ҳисоботида Ўзбекистон 
Республикасининг рейтингини яхшилашга доир қўшимча чора-тадбирлар тўғрисида”ги 
ПҚ-4160-сонли қарорига мувофиқ, 2019 йил 1 мартдан бошлаб миноритар 
акциядорларни ҳимоя қилиш мақсадида: 
– акциядорларга йирик битим ва аффилланган шахслар билан қиймати жамият 
соф активлари миқдорининг 10 ва ундан ортиқ фоизини ташкил қилувчи битим тузиш 
натижасида жамиятга етказилган зарар учун кузатув кенгашининг манфаатдор 
аъзосини суд тартибида жавобгарликка тортиш ҳуқуқи берилди; 
– масъулияти чекланган ёки қўшимча масъулиятли жамият фаолияти юзасидан 
қайсидир масалада келишувга эришилмаганлиги сабабли қарор қабул қилиш учун 
етарли овоз бўлмаганда, вужудга келган зиддиятли вазият суд тартибида ҳал 
қилинадиган бўлди; 
– акциялар бўйича ҳисобланган дивидендларни Қимматли қоғозлар марказий 
депозитарийси ёки инвестиция воситачилари орқали тўлаш механизми жорий этилди. 
Ўзбекистон Республикасининг “Акциядорлик жамиятлари ва акциядорларнинг 
ҳуқуқларини ҳимоя қилиш тўғрисида”ги Қонунининг 46-моддасига асосан, қимматли 
қоғозларнинг номинал сақловчилари Марказий депозитарий ва инвестиция 
воситачилари ҳисобланади. Бироқ республикамизда қимматли қоғозларнинг номинал 
сақловчилари акциядорлар номидан овоз бериш имкониятига эга эмас. Бу эса, амалда 
кўплаб миноритар акциядорларнинг жамият бошқарувида фаол иштирок этмасдан 
қолишига ҳам сабаб бўлмоқда.