Олабўжи романдан катта хикоя

қўлини ўпаётган киши намоён бўлди. Ва қизнинг уйчада у одам ҳақида 
гап очиб, Митра ҳайкалчасини кўргани тўғрисида дудмал гап 
қилганини эслади. 
– Тарихга қизиқадими? 
Хуррам ўйланиб: 
– Жуда! – деди-да, илжайди. – Тўйингизга униям таклиф қилсангиз 
керак? 
– Нега? – Ултон хўмрайди. – Умуман, мен ҳайронман! – деди сўнг. 
– Сизга айтсам... 

---

227 
– Айтмай қўя қолинг. – Хуррам энди Ултоннинг тирсагидан ушлаб 
қисибгина қўйди. – Гўдак келаётир... Аммо лекин лақма бўлсаям мард 
бола. Қитмирга ўхшайди-ю, кўнгли тоза. 
Наби кастюмининг ўнгирида олма кўтариб келди. 
– Бизниям жинимиз бор, домилла. Қассобларниям жини бўлади, 
пири бўлади. 
Хуррам унинг гапини давом эттирди: 
– Пиринг тўғрисида бир нима демайман-у, жинингни кўрганман... 
Ҳў, у ерда! Олма пишганда фақат Набининг боққа тушишга ҳаққи бор, 
деган эди! 
– Коньякка-чи? 
– Шуни ичмайлик, – деди Ултон. – Биз йўл одами... 
– Ҳа, ишимиз кўп, – тасдиқлади Наби. – Бошқа келишда ичамиз... 
– Ундай бўлса, ўша келишгача мошинада турсин, – деди Хуррам. 
Сўнг Ултонга жилмайиб қўл берди. – Жумагача? 
– Ҳа. 
– Эшикни қулфлаётган эдингиз-ку? – деди Наби. – Қоласизми? 
Хуррамнинг тиши оғригандек пешонаси тиришди. 
– Озгина иш бор экан, эсладим. – деди. Ва кутилмаганда қизишиб 
кетди. – Падарига лаънат баъзи раҳбарнинг! Юзингга қараб туриб, 
кўзингга қўл суқади... 
– Сизниям-а? – кулумсиради Ултон. – Улуғларнинг маҳрамини? 
– Оғажон! – Ултоннинг билагидан тутди у. – Ўзбек доно халқ, 
мақолини эшитинг: “Ўзингники ўзагингни узади!” Ҳа, ишонмагин