M. F. Ziyayeva, O. Z. Rizayeva

 
2.1. Ko‘zlarni parvarish qilish va yuvish
 
 
Bolaga yoki uning onasiga muolajaning zarurligi va bajarilish 
ketma-ketligi tushuntiriladi. Bajarish tartibi:
 
1. Qo‘llar yuvib, quritiladi. 
 
2.  Eritmalardan  biri  furatsillinning  0,2%  li  eritmasi, 
qaynatilgan  iliq  suv,  steril  tamponlar,  ishlatilgan  tamponlar 
uchun steril lotok tayyorlab qo‘yiladi. 
 
3. Qo‘llarga ishlov beriladi, qo‘lqoplar kiyiladi. 
 
4. Steril lotokka 8-10 ta tampon solinadi, ustidan yuqoridagi 
eritmalardan biri quyiladi. 
 
5. Tampon biroz siqib, kiprik va qovoqlarni ko‘zning tashqi 
burchagidan  ichki  burchagi  yo‘nalishida  artiladi,  ishlatilgan 
tamponlar boshqa lotokka solinadi. 
 
6. Tamponlarni almashtirib muolaja 4-5 marta qaytariladi. 
 
7.  Doka  salfetkalari  yordamida  eritma  qoldiqlari  shim-
diriladi.
 
8. Xuddi shu tartibda ikkinchi ko‘z ham yuviladi. 
 
Muolaja davomida bolaning ahvoli bilan qiziqib turish kerak. 
 
Ishlov berish: ishlatilgan tamponlar ustiga xloraminning 3% 
li  eritmasidan  quyib,  60  daqiqaga  qoldiriladi.  Lotokni  xlorli 
ohakning 3% li eritmasiga 1 soatga solib qo‘yiladi, so‘ngra yuvib 
tashlab,  sterilizatsiya  oldi  tozalash  ishlari  o‘tkaziladi  va  lotok 
sterillanadi.