Бактериал инфекциялар стафилококк ва стрептококкли инфекциялар, дифтерия, менингококк

Aspergillus – ҳар ерда учрайдиган моғор бўлиб, соғлом одамларда аллергия 
(пиво тайёрловчи ўпкаси)ни чақиради ва иммунитети суст одамларда оғир 
синусит, пневмония, ва гематоген замбуруғли инфекция келтириб чиқаради. 
Аспергиллюсли инфекцияга мойилликни келтирувчи омилларга нейтропения 
ва кортикостероидлар киради. 
Инвазив аспергиллез – оппортунистик инфекция бўлиб, касал ва иммунитети 
суст беморлардагина учрайди. Асосий шикастланишлар, одатда, ўпкада 
учрайди, лекин баъзан юрак клапанлари, мия ва буйрак зарарланиши билан 
кечувчи гематоген диссеминация ҳам ўрин тутади. 

---

 Ўпка зарарданишлари кескин чегараланган, юмалоқ, геморрагик чегарали 
кулранг фокусли нишонли зарарланишли некротик пневмония шаклида 
ўтади. 
 Малярия
Безгак ҳужайра ичи паразити бўлган плазмодийлар томонидан чақирилиб, 
ҳар йили 300 миллион кишини зарарлаб, 1 миллион кишини ҳалок этувчи 
халқаро инфекция саналади.
P. falciparum инфекцияси бошида талоқнинг катталашуви ва димланишни, 
оқибатда унинг вазнининг 1000 граммдан ошишини чақиради.
Паразитлар эритроцитларда учрайди ва талоқдаги макрофагларнинг 
фаоллиги ошади. Сурункали безгак инфекциясида талоқ фиброзлашади ва 
мўртлашади, массив капсула ва толасимон трабекулаларга эга бўлади. 
Паренхима донадор, жишарранг қора, кучсиз иккиламчи нур синдирувчи 
безгак пигменти тутган фагоцитар ҳужайралар туфайли куларнг ёки қора 
тусга киради. 
Бундан ташқари, ютилган паразитлар, эритроцитлар, ва детрит тутган кўп 
сонли макрофаглар аниқланади. 
Безгак ривожланиши билан жигар анча катталашиб ва пигментлашиб 
боради. Купфер ҳужайралари катта миқдорда безгак пигменити, паразитлар, 
детрит билан тўлади, айни пайтда пигментнинг оз қисми паренхиматоз 
ҳужайраларда ҳам учрайди. 
Пигментли фагоцитлар бутун суяк кўмиги, лимфа тугунлари, тери ости 
тўқималари, ўпка бўйлаб тарқалган бўлиши мумкин. 
Буйраклар кўпинча катталашади ва тўпчалар пигмент билан, найчалар эса 
гемоглобьин цилиндрлари билан тўлади.
P. falciparum томонидан чақирилган хавфли мия безгагида мия қон 
томирлари паразитлар билан зарарланган қизил қон таначалари билан 
тиқилиб қолган, ҳар бир ҳужайра безгак пигменти нуқталарига эга. 
Томирлар атрофида айланасимон қон қуйилишлари бўлиб, улар димланиш ва 
фокал яллиғланиш реакцияси (безгак ёхуд Dürck гранулёмалари) 
натижасидаги маҳаллий гипоксия билан боғлиқ.
Гипоксиянинг оғирроқ ҳолатларида нейронлар дегенерацияси, фокал ишемик 
юмшайиш, ва баъзан мия юмшоқ пардасида чегараланган яллиғланишли 
инфильтратлар учрайди.