Техник конструкциялаш ва моделлаш

Binoning  isitishni  umumiy  tushuncha.  Markazlashtirilgan  issiqlik  ta’minoti 
tizimlarida  issiqlik  energiyasi  manbadan  iste’molchiga  issiqlik  tashuvchisi  sifatida  uzatiladi 
(qizdirilgan suv va suv bug‘i shaklida). Issiqlik tashuvchining turiga qarab issiqlik tarmoqlari 
ham  suvli  va  bug‘li  tizimlarga  bo‘linadi.  Turar  –  joy,  jamoat  va  sanoatlashtirilgan  bino  va 
inshootlarni  issiqlik  bilan  ta’minlash  uchun  qizdirilgan  suvdan  foydalanish  eng  afzal  usul 
sanaladi. Bug‘dan foydalanish, asosan, sanoat  inshootlarida texnologik jarayonlar iste’molini 
cheklab  qo‘yadi,  hamda  bug‘dan  ishlab  chiqarish  sexlarida  isitish,  shamollatish  va  issiq  suv 
ta’minotida issiqlik tashuvchi sifatida foydalanish faqatgina, bug‘li issiqlik tarmoqlari bo‘lgan 
holat uchungina xosdir.  
Issiqlik  tashuvchining  turi  iste’molchilarning  talabini  to‘liq  qondira  oladigan  sharoitni 
hisobga  olgan  holda  ishlab  chiqilgan  texnik  iqtisodiy  talablar  asosida  tanlab  olinadi.  Bundan 
tashqari issiqlik tashuvchining fizik – texnikaviy xossalari, issiqlik ta’minotining ishonchliligi, 
sifatliligi  va  tejamkorligi,  issiqlik  sig‘imi,  akkumulyatsiyalash  uslubi,  yuqori  potensialli 
energiya  olish  imkoniyati,  harakatchanligi  va  korrozion  faolligi  ham  to‘liq  hisobga  olinadi. 
Issiqlik  tashuvchining  ichki  energiyasini  harakterlovchi  parametr  (harorat,  bosim  yoki 
entalpiya)  lar  uning  potensiali  deb  ataladi.  Issiqlik  tashuvchilar  –  suv  va  suv  bug‘i  barcha 
qo‘yilgan talablarga javob berishi mumkin, biroq ular turli fizikaviy xossalarga ega bo‘lishlari 
kerak,  sababi  ularni  ishlab  chiqarish,  transportirovka  qilish  va  iste’mol  qilish  uchun  har  xil 
qurilmalardan foydalanish talab etiladi.