Кўчмас мулк ва мулк ҳУҚУҚи амалий қўлланма

Давлат божининг миқдори 
Мулкий тусдаги даъво (моддий даъво) яъни, даъвонинг баҳоси мулкнинг қийматига 
тенг бўлиб, давлат божи даъво баҳосининг 2 фоизи миқдорида, бироқ энг кам ойлик 
иш ҳақининг 50 фоизидан кам бўлмаган миқдорда ундирилади.
Мазкур талабга оид ҳуқуқий муносабатларни тартибга солувчи қонун 
ҳужжатлари
- Ўзбекистон Республикаси Фуқаролик кодексининг 18-боби;
- Ўзбекистон Республикаси Олий суди Пленумининг 2001 йил 14 сентябрдаги “Уй-жой 
низолари бўйича суд амалиёти ҳақида”ги 22-сонли қарори;
- Ўзбекистон Республикаси Олий суди Пленумининг 2004 йил 24 сентябрдаги «Якка 
тартибда қурилган уйга бўлган мулк ҳуқуқи билан боғлиқ низолар бўйича суд амалиёти 
тўғрисида»ги 14-сонли қарори.
Қўшимча изоҳ:
Улушли мулкдаги мол-мулкни тақсимлаш – ушбу мол-мулкнинг мулкдорларга уларнинг 
улушларига мутаносиб равишда ўтиши ва ушбу мол-мулкка нисбатан умумий мулк 
ҳуқуқининг тугатилишидир. 
Умумий мулкдан улуш ажратиш – ушбу мол-мулкнинг умумий мулк иштирокчисининг 
улушига тенг қисмининг унга ўтиши ва ушбу шахснинг умумий мулкдаги улушга бўлган 
ҳуқуқиининг тугатилишидир.
Умумий мол-мулкни бўлиш ва ундан улуш ажратиш бир-биридан қуйидагича 
фарқланади. Биринчи ҳолатда умумий мулк иштирокчилар ўртасида тақсимланиб, 
ҳар бирининг эгалигига муайян мулк берилади. Иккинчи ҳолатда эса умумий мулк 
иштирокчиси ўз улушига тенг мол-мулкни ажратишни сўрайди, қолган мол-мулк эса 
бошқа иштирокчиларнинг ўртасида умумий мулк бўлиб қолаверади. Табиийки, мулк 
ҳуқуқидан улуш ажратиш улушли мулкнинг иштирокчилари иккитадан кўп бўлганда 
амалга оширилади.

---

КЎЧМАС МУЛК ВА МУЛК ҲУҚУҚИ
170
3 .4 .6 . УМУМИЙ МУЛКДАН ФОЙДАЛАНИШ ТАРТИБИНИ 
БЕЛГИЛАШ
Ариза тури:
Даъво ариза
Суд номи:
Даъво аризаси берилаётган суднинг номи
Даъво аризаси берилаётган суд судловга тааллуқлиликнинг қоидалари асосида 
аниқланади (Ўз.Р. ФПКнинг 14-боби).