O’zbek tilidagi reklamalarning sotsiolingvistik tadqiqi

ISHNING UMUMIY TAVSIFI 

Mavzuning  dolzarbligi.  Reklamadan  ishlab  chiqarish  tovarlari,  oziq-ovqat 

mahsulotlarining  xilma-xil  turlarini  namoyish  etishda  foydalaniladi.  Reklamaning 

asosiy  afzallik  jihatlaridan  tezkorlik  va  tejamkorlik  xususiyatiga  egaligi,  bir 

reklamani boshqa reklamalar bilan almashtirishning soddaligidadir.  

Bugungi  kunda  turli  xil  sohalarda  reklama  berish  bo`yicha,  uning  qanday 

yaratilayatgani-yu,  qanday  maqsadlarda  qo`llanilayapdi  va  qo`llanilishi  shart,  bu 

jarayonlarning  ijobiy  va  salbiy  ahamiyati  haqida,  milliy  urf-odatlarimizga  va 

yoshlar tarbiyasiga ta’siri haqida  har xil qarashlar  mavjud.   

Hozirgi  paytda  reklama  nafaqat  mahsulotni  targ`ib  qiluvchi  vosita,  balki 

ishlab  chiqarishdagi  muayyan  yutuqlarni  namoyish  etuvchi,  aholiga  ma`lum 

ma`noda  axborot  yetkazuvchi,  insonning  ruhiy-intellektual  holatiga  tez  ta`sir 

etuvchi,  ona  tilimiz  imkoniyatlarini  o`zida  aks  ettiruvchi  tezkor  omil  hisoblanadi. 

Mana  shu  davr  nuqtai  nazaridan  reklamalarning  sotsial  qiymati,  lingvistik  tadqiqi 

yuzasidan fikr bayon etish bugungi kunning dolzarb mavzularidan biridir.